علاج الكسل والاحباط

*علاج الكسل والاحباط*
===============
الدكتور عمر عبد الكافي بيقول إنه كان في يوم بيُخطب الجُمعة.. وبعد الصلاة .. جاله راجل مربي دقنه وشعره .. ومدهول ع الآخر واضح انه مش مُهتم بروحه نهائي ..
بيقوله يا مولانا انا كسول .. بنام كتير .. يدوبك اصحى آكل لقمة وانام تاني ..
شغلي مُهمل فيه ومستقبلي .. وكل حاجة
عيالي بيحسوني غريب عنهم ..
عندي قلة همة وإحباط غير عادي .. أعمل ايه دلني الله لا يسيئك ؟!
الدكتور عُمر قاله إستغفر في اليوم ١٠٠ مرة .. ودا على الأقل .. وتعلالي بعد اسبوع وقولي إيه النتيجة
قاله بقولك كسول وبنام ١٥ ساعة في اليوم ومُهمل في الصلاة وفي اولادي وشغلي وتقولي استغفر !
قالي يا ابني احنا لحم ودم .. بشر .. مُعرضين اننا نعصي ربنا ونعمل ذنوب .. والذنوب بتثقل الجسم وتهد الحيل وتقلل العزيمة والهمة من القلب وتعلم الكسل والتُقل .. إسمع مني بس وهتنبهر من النتيجة ..
بعد ٦ ايام الراجل راح للدكتور عُمر .. فضل يقوله لازم أبوس إيدك !
أنا بقيت أستغفر ١٠٠ مرة وأكتر في اليوم وساعات ٤٠٠ مرة وساعات ١٠٠٠ مرة في اليوم ..
ربنا زي ما يكون حدف في قلبي النشاط والهمة .. بقيت أنام اقل من ٧ ساعات وأشبع فيهم من النوم .. أسعى لشغلي بكل نشاط وإتفقت على شراكة جديدة ومضيت العقد في أقل من ٤ أيام !
- الإستغفار دا عامل زي الحبوب المُنشطة ! زي مشروب الطاقة .. شُحنة كهربية ! بنزين يشغل الواحد ويحركة
الإستغفار يشبه الإيد اللي بتزُق الواحد لقدام
قوة من عند ربنا .. بتقوي وتشد ..
وزي ما الشمسية بتحمي من الشمس والمطرة الاستغفار
هو الإيد اللي بتضلل عليك وتحميك من اي حاجة صعبة جاية في علم الغيب ..
سيدنا عمر بيقول "لو نزلت صاعق من السماء ما أصابت مُستغفر "
إستخبى بالإستغفار من أي فشل .. جرح ... خيبة أمل محنة .. مرض أي حاجه قلقاك ..
النبي كان بيستغفر في القعدة الواحدة أكتر من ٧٠ مرة
إتحامى في ربنا من مصايب القدر
بالإستغفار 📿
علماء المسلمين إتفقوا إن الإستغفار بيسبب التوفيق في كل شيء لصاحبه
ويا بخت اللي يقول "أستغفر بسببك لك أجره وأجر كل من استغفر بسببك لأنك إنت اللي دليته عليه
وابن كثير بيقول : ﻭﻣﻦ إﺗﺼﻒ بصفة الإﺳﺘﻐﻔﺎﺭ .. ﻳﺴﺮ ﺍﻟﻠﻪ ﻋﻠﻴﻪ ﺭﺯﻗﻪ ، ﻭﺳﻬَّﻞ ﻋﻠﻴﻪ ﺃﻣﺮَﻩ ، ﻭﺣﻔﻆ ﻋﻠﻴﻪ ﺷﺄﻧﻪ ﻭﻗﻮﺗﻪ وماله وأولاده وأهله 💪🏻
الإستغفار .. هو رحمة الله لك
استغفر الله
لا إله إلا أنت سبحانك إني كنت من الظالمين
استغفر الله وأتوب إليه
منقول بتصرف