علاج النحافه

السلام عليكم ورحمة الله وبركاته
ماعندي فكرة بس خليك منتبهة ان الزيادة تكون صحية
🌷🌱🌷

ماعندي علم
أنا إسأليني عن كيف تنحفين أجاوبك😁
خبرتي الرجيمات بس❤️

عزيزتي انا كنت مثلك نحيفة حيل
استدمخت خلطة تسمين من عند العطارين اليمنين
هي تسمن بس من تتركيها يرجع جسمك بخبرك قصتي معاها
سنة ٢٠١٢ كان وزني ٤٠ كيلو جرام وطولي ١٥٨ او ١٥٩ يعني ناقصني اقل شي ١٣ كيلو عشان يصير وزني طبيعي
استخدمت الخلطة اول مرة استخدمتها وهذي الفترة كانت فترة الخطوبة اول م اخذتها حسيت بنعاس شديد واحس بجوع بشكل رهيب بديت اخذها في اليوم ٣ مرات حسب ما قاللتلي البنت عنها قبل م كنت ادري من عند العطارين كانو بنات يعرضونها ويبيعيونها بضعف المبلغ الموهم جزاها الله خير وما فصرت صراحة اول مرة رحت اقيس وزني الا اشوفه ٤٦ وهذا تقريبا خلال اسبوعين من الاستخدام بعدها بفترة ٤٨ كيلو كنت مرة مبسوطه من التغير لي صار والكل لاحظ وقالي احلويتي وغيره من المديح
حتى ثقتي بنفسي رجعت لي 😀
الموهم اذكر اخرمرة قبل الزواج وصلت وزني ٥٣ تقريبآ وحتى اذكر تبهدلت في فستان العرس صار ضييييق علييييه بس كنت حيل مبسوطه
بعدها توقفت بسبب الزواج ومن ثم الحمل
ومع تعب الوحام واول حمل بدا وزني ينقص ومع الولاده والرضاعة هم يتراجع الوزن بعد م خلصت فترة الرضاعة
وزني صار ٤٢ كيلو😑😒
رجعت لها ومرة زاد الوزن
وهذي المرة عرفت من وين مصدرها وكلمت العطار اليمني اشلون اثبت الوزن قالي هذي الاستمرارية مضرة حدك ٦ شهور وتتوقفين وترجعين مرة ثانية يعني لا تاكليها بشكل دايم لانها مضرة
عالعموم طبعا الوضع زفت وانتي شكلك نحيييف نحافه مبالغ فيها
كلام الناس وتطنيزاتهم وغيره
رجعت لها ورجع الوزن وكل م اتركها ينزل
واخر مره استخدمتها سنة ٢٠١٩ وقلت للعطار حطلي عسل طبيعي بدل عسل الصناعي لي اصلا يصنعون منه الخلطة
وما كنت استخدمها بشكل يومي بس عالاقل تفتح لي الشهية فقط
والحمدلله ثبت وزني مابين ٥٠ الى ٥٣ يعني وزن لا باس به
بعدها توقفت بسبب الحمل
والحين انا خلصت ولادة والحمدلله كنت افكر ارجع لها بس سمعت عنها انها خطيره ومضرة ولكن بفضل من الله وزني ثابت ٥٤ كيلو
وان شاء الله ناوية اجتهد واشتغل على نفسي استغل رمضان بالاكل الليلي عشان ما يخلص رمضان الا وانا وزني ٦٤ كيلو يارب العالمين
حاليا اخذ حبوب الزنك عشان البشرة والشعر وتعزيز المناعة واكثر اكل بعد الإفطار
اهم شي يا اختي فرغي عقلك من التفكير وارمي همومك ورا ظهري ورزكي على نفسك وصحتك وحاولي تهتمي بروحك ولو فيه موضوع يساعدنا مع بعض نوصل للهدف ياريت وكل وحده تقول تجاربها

ي قلبي كنا نحيفه مره كنت حامل بشهر التاسع وزني ٤٨ متخيله من غير حمل ٤٥ مايتحرك من سنين المهم شربت حبوب موسيجور خلاني اجوع بشكل مو طبيعي واستخدمت خلطه كنت احط ملعقتين حلاوه طحينيه مو السايله لا الحلاوه العاديه وملعقتين نوتلا وملعقتين زبدة الفول السوداني مع كاسه حليب وشربي كاسه قبل النوم وكاسه بعد الفطور يووووما وراح تسمنين في أسبوعين والحبوب كنت اشرب حبه وحده بس في اليوم لين شهر وقفت وخدودي كنت اخلط زبادي مع حلبه مطحونه وحطها ع وجهي لين تنشف وغسل وجهي والحين ماشاءالله وزني ٦٠ وقت الخلطه والحبوب من سنه يمكن والحمدلله

قبل لا اشرب الخلطه في الليل كنت اسوي تمرين بنت عذاري لتكبير المؤخره وكنت اشرب الخلطه وانام ابحثي عن التمارين في اليوتيوب