علاج بسييييييييط للتشنج المهبلي والآآآآم الجماع (تجربتي)

السلام عليكم ورحمة الله وبركاته
اخواتي في الله
حبيت افيدكم بهالموضوع اللي شاغل بال الكثيرين منكم ومتعبهم
انا ممن عانيت من هالموضوع وجلست يمكن اربع شهور بدون ماتتم العمليه ابدا وكل مره كنت اقول المره الجايه بتحمل ليش كل اللي حولي مشت امورهم وحملوا الا انا وكنت اقنع نفسي ان هالمنطقه يطلع منها بيبي كامل وما يشاور امه وشلون اجل ما اتحمل لازم اتحمل واصير قويه وكل مره تبوء خططي بالفشل وانهار لأن التشنج موضوعه مو سهل وصعب على الوحده خصوصا كل اللي حولي يعاتبوني ويحطون كل اللوم علي وهم مو حاسين بالي انا فيه
المهم
اختي وصلت موضوعي لدكتورة صديقتها وقالت امرها بسيط وحله ابسط الحمد لله
وارسلت لي اسم مخدر موضعي وياربي لك الحمد والشكر بعدها انحلت المشكله

المخدر عباره عن سبري ترشينه داخل فتحة المهبل ورشي منه كثير وانتظري عشر دقايق او ربع ساعه عشان يتخدر المهبل كله تماما وبعدها ابدأوا العمليه وخلي زوجك يحط مزلق يساعد بعد
بإذن الواحد الأحد ماراح تحسون بأي شي بس ألم بسيط
طبعا اول مره بس يكون مجرد دخول فقط بدون حركه (واسمحوا لي في الوصف) والمره الثانيه كذلك حتى يتعود المهبل عليه وشوي شوي مره بعد مره راح ترمون السبري بالزباله مثلي
وهذا اسم السبري لعيونكم ومابي الا دعوة صااااادقه من قلوبكم لي ولجميع المسلمات بالذريه الطيبه الصالحه <<<اختكم تعاني من تكيس شديد بالمبايض والحمد لله على كل حال
اسم السبري xylocaine 10% spray وموجود صورته بقوقل الصور
وتراه آمن بإذن الله وموجود بأغلب الصيدليات ويشهد الله ان اللي صرفته لي دكتوره وللعلم انا استخدمته مرتين فقط وبعدها ماعاد احتجت له صح اني اتألم بدونه بس كنت اتصبر حتى صار الامر طبيعي وبدون ألم
وبعدها بفضل ربي تنفست الصعداء واحسست اني متزوجه عن حق وحقيقه

استودعكم الله الذي لا تضيع ودائعه