جمان السماء :

ما شاء الله دايم اصرعه بالحلم بس بعد ما يتعبني مره لكن الحمد لله شكله ما قدر لي الله يكفيني شره لكن اللي مضيق صدري انه يصير بيني وبين زوجي نفور احيانا بدون سبب وحتى زوجي يقولي احس فيه شي الله يكفينا ويكفيكم الشر وما تشوفين ش ياعمر الله يشفيك ويرفع عنك لكن ياليت تقولين لنا وش تشوفين بالضبط لانه يمكن انتي عندك شفافيه كذا من الله فيه ناس يشوفونهم وعرف واحد من معارفنا يشوفهم بالسياره وهم مسافرين يركبون معاهم بسم الله انتي وش تشوفين وكيف اشكالهم .. انا اللي اشوفه بالحلم شكله مرعب ومعظم هذي مره بس شفته والا اكثر الاحيان ما اشوفه يطلع كأني اصارع احد بس ما اشوفه ياليت تقولين لي بالتفصيل .. والله يرزقك بالزوج الصالح ويبعد عنا وعنك شياطين الجن والانس

ما شاء الله دايم اصرعه بالحلم بس بعد ما يتعبني مره لكن الحمد لله شكله ما قدر لي الله...

ارض النور :

بسم الله الذي ى لا يضر مع اسمه شيئ في الارض ولا في السماء وهو السميع البصير الله يشفيكم ويعافيكم ويبعد الاذى والضرر عنك اجمعين بصراحة انا وسوست عقب كلامكم هذا ....فيه بعض المواقف مريت بها في فترات من حياتي ... احيانا احس وانا نايمة ان فيه احد قريب مني ...واو احيانا يقبلني واصحى على طول واسمي ...واحيانا احس كني مع زوجي وداخلي شعور يبغض هذا واصحى من نومي مباشرة...من اول بدايات الحلم وكني ما اعطيه فرصة ....بسم الله الرحمن الرحيم ...معقول يكون مس او ما شابه ؟؟؟ وكنت زمان اشوف كوابيس لدرجة اني اشوف نفسي نايمه على سريري بنفس وضعي الحقيقي وعلى جمبي اللي انا نايمه عليه فعلاً واشوف قدامي شايب شبه عاري وجالس على الارض (متحوفز ) ومعه عصايه متسند عليها وماد يده علي وانا ماسكه يده بقوةكني ودي اغلبه ...يا غالب يا مغلوب وكنت اقرأ آية الكرسي ...وصحيت من نومي وانا فعلاً اقرأ آية الكرسي وأحس في يدي ألم من أثر الضغط ...كل هذا وما شكيت يكون مس أو شيء اهم شيئ اني دايم اسمي واقرأ المعوذات وآية الكرسي صباحا ومساءً لكن فعلاً حيرتوني ..أنا هالحين خفت على ولدي ...كان وهو صغير فجأة يصرخ ويتلوى كن أحد يضربه ..مع العلم انه كان جميل جداً هالكلام من 6 سنوات تقريباً كان عمره سنتين ...وكنت اشك في بيتنا الاول انه مسكون وخاصة فيه شقق فاضيه الدور اللي فوقي واللي تحتي ..بسم الله الرحمن الرحيم ... انا نقلت بيت ثاني ..الحمد لله ...ولكن ولدي الحمد لله طيب بس أكثر جماله راح ..شعره هو بنفسه لعب بمحلقة ابوه و واضطريت احلق له وبتل ما نبت مدة شهور ...وبعد ما نبت شعر جديد ما صار زي شعره الاولاني حريري ولامع ...صار كشه نوعا ما ومستواه في المدرسة معدووووم ...كنه ما يفهم وما تخيلته يكون كذا لأنه من بدايات طفولته ذكي ويفهم ويحفظ بسرعة ...لكن الشكوى لله ولون بشرته سمر كثير عن أول وما صار بذاك البياض اللي أول ... فهل تتوقعون يكون ولدي فيه اذى ....وكيف انا ادري ...وما اتوقع ابوه بيرضى نوديه لشيخ يقرأعليه >>>>راح يقول خلي عنك الوسوسة ادري هذري زاد لكن وضحولي تكفون ...وش اسوي ....وترى ولدي هذا خواااااف مرررررة ...والى الآن يجي ينام عندي في نص اللي مع اني اكون منومته في سريره ...عمره الحين 8 سنين ولازم يصحى من نومه عدة مرات .....هل هذي علامات شي مهب زين ...انا ظنيت انه مجرد خواف وما فيه ثقة بنفسه ردو علي تكفون ....أنا في انتظاركم

بسم الله الذي ى لا يضر مع اسمه شيئ في الارض ولا في السماء وهو السميع البصير ...