علاج حب الشباب ....بإذن الله

بسم الله الرحمن الرحيم
السلام عليكم جميعا وكل سنه وانتم طيبين
اللهم أصلى وسلم وبارك على سيدنا محمد وعلى اله وصحبه سلم
لقيت كتير بنات بتسال على علاج فعال لحب الشباب
وان شاء الله اقدر افيدكم زى ما استفدت منكم كتير وبإذن الله يكون العلاج الشافى
الاول لازم نبدأنعمل تنظيف داخلى للبطن وعلشان كده نمشى على النظام دا لمدة تلات ايام
1- هنحتاج شعير حب وكسبره خضرا
هتجيبى لتر ونص ماء وتحطى عليهم خمس ملاعق اكل حبوب الشعير وتسيبيهم يغلوا لحد ما الميه تبقى حوالى ليتر تحطى عليهم الكسبره الخضرا مقطعه وبس الميه تغلى تطفى النار وتغطيه ولما يبرد تشربيه تلات اوربع مرات فى اليوم
ولازم اول مره على الريق الصبح وكمان قبل النوم مباشرة
2- تاخدى ملعقة خل تفاح على كوب ماء بعد كل وجبه وتستمرى عليه لمدة شهر على الاقل
3- تاخدى الصبح على الريق كوب ماء دافئ عليه اتنين ملعقة عسل نحل وملعقة زيت زيتون ودى تخليها عاده يوميه عندك علشان دى وقايه عامله من جميع الامراض وكمان حمايه للمعده من الامراض .... وربنا يعافينا جميعا يارب
وكمان بتعمل على تنشيط الكبد وتنظيفه وتنظيف القولون وازالة الامساك بأمر الله
4- عصير الجمال
ودا ممتاز لتعويض الفيتامينات الناقصه وكمان مفيد لللبشرة والشعر وصراحه رائع وهو عباره عن
1- جرجير بع ربطه
2- خياره
3-تفاحه
4-خس
5-كسبره خضرا
6-كرفس
تجمع كل المكونات دى وتحطيها فى الخلاط وتضربيهم وتصفيهم وتشربى منهم كوبايه او اتنين فى اليوم
نيجى بقى للعنايه الخارجيه
باليل اساسى عند النوم تغسلى وشك بمنقوع الترمس المطحون وتشطفيه وتجففيه كويس وتدهنيه بزيت زيتون الوزير
ملحوظه فى اول اسبوع من الدهان احتمال ظهور حبوب ممتلئه صديد ومؤلمه لا زيت الزيتون بينضف البشره من جوه
طيب فايدة الدهان بالليل بزيت الزيتون
1-عدم التعرض للشمس والاستفاده من تجديد خلايا البشره اثناء النوم
2- تنظيف البشره وتطهيرها ودى اهمية زيت الزيتون
تفتيح وتوحيد لون البشره
3-مع الاستخدام مسامات البشره بتصغر جدا

طيب الحبوب ازاى ننشفها
مسح الوجه بماء الورد
مسحه بمنقوع المر
وضع العسل الابيض على الحباية مباشرة
مسكات للتنظيف والتفتيح
1-ملعقة حليب بودره وتعجن بعصير الليمون
2-ملعقه من السدر المطحون وملعقه من الاس المطحون وتعجن بماء الورد
3- ملعقة طحين وملعقة نشا وتعحن بماء الورد
4-مسح الوجه بماء الخيار وتركه لمدة ربع ساعه ثم غسله بماء بارد
5-وضع شرائح من البطاطس على البشره
6- عمل ماسك لتنظيف وتقشير وتفتيح البشره من الترمس المطحون ناعم وذلك بعمل مساج للبشره وتركه لمدة خمس دقايق فقط وغسل الوجه
ملحوظه عامه ومهمه مهمه مهمه
عدم ترك اى ماسك ينشف ويشد البشره جامد لان دا بيسبب ترهل البشره فيما بعد
واخيرا
بعض المشروبات اللى بتحافظ على نضارة البشره وصحة الجسم ودا للتذكير فقط هى معروفة ولكن ببنساها
عصير الليمون *عصير الجزر مع البنجر * منقوع اللبان الدكر قبل النوم دا رائع تصحى الصبح تلاقى وشك منور *
مشروب البردقوش واكليل الجبل

الترطيب انا بحب اوى منتجات كلين اند كلير فيه كريم مرطب للبشره الدهنيه ودا اللى هنستخدمه علشان ترطيب البشره الصبح
واخيرا لازم نشرب كميات كبيره من الماء يومين لانها مهمه فى الترطيب وبالتوفيق للجميع

وجزاكم الله خيرا
ويارب يعافينا جميع بالصحه والعافيه ويغفر لنا وويرحمنا برحمته
وجزاها كل خير الدنيا والاخرة اللى
ترفع الموضوع وتدعيلى دعوه حلوه بتييسير امورى فى الفتره القادمه
ويهديلى ولادى ونور عينى ويحفظ اسرتى من كل شر


لا إله إلا أنت سبحانك انى كنت من الظالمين
لا إله إلا الله ولا حول ولا قوة إلا بالله العلى العظيم
اللهم اصلى وسلم وبارك على سيدنا محمد وعلى أله وصحبه وسلم