علاج خيانة الزوج

السلام عليكم ورحمة الله وبركاته والله يابنات كثرت الخيانه الزوجيه وتعبت نفسية هالزوجات هي مصدقه والا لا وتبدا تفكر هو يحبها والا مل منها انا معكم الصدمه توجع القلب وحطي خطين تحتها خصوصا اذا كان الزوج محافظ على الصلاة وملتحي وحريص على الصدقه وغاض بصره محترم :35: وفجاه تكتشفين انه انه انه يحب :39: ومين وحده بايعتها يعني بالعربي مجتمعها غير مجتمعه دين واخلاق المهم الخيانات تختلف شكلكم تقولون وين العلاج العلاج يبغاله صبر عاد انا يالحريم ماعندنا صبر نبي الشي بسرعه هنا اقولك لا حتى تنعمي بالطمانينه افتحي صفحه جديده في حياتك حتى تزول مشكلتك اصلحي مابينك وبين الله يعني ابعدي عن المعاصي تناسي همك وعيشي حياتك الحقيقيه مع ربك اجعلي لسانك رطبا بذكره واكثري من الصلاة الابراهيميه (التشهد الاخير) وقول لاحول ولا قوة الا بالله اللهم اجرني في مصيبتي واخلفني خيرا منها اشعريه بالامان كي تشعر به انت واطفالك ادعي بين الاذان والاقامه بهدايته قيام الليل فو الله ان فيها لسر عجيب يعني خلي المنبه على ثلاث ونصف فيما تصحين وتتوضائين الاهي اريع الاعشر بعدين جهزي لك كاس مويه وصلي وادعي قدمي الاخره على الدنيا والحي ثم ادعي لزوجك وحبيبك ان يمن الله له بالهدايه وان يصلح الله الامور وايضا ( اللهم انزل بغض الدش على قلبه اللهم انزل بفض المسنجر على قلبه اللهم انزل بغض المعاكسات على قلبه اللهم انزل بغض رفقاء السوء على قلبه اللهم انزع مافي قلبه من حب ل.... كما نزعت الحجاج من ملكه) وكرريها ثلاثا ومابين التسليمات اشربي قليلا من الماء يزيل التعب على فكره الايام هذي قبل اذان الفجر في قناة المجد يجيبون برنامج ذكرى رهيب ويعين الواحد بعد الله على الطاعه بعدين صحي الحبيب للصلاة وحاولي باسلوب حلو تقولين يالله ابي التقي بك في الجنه ومن صلى البردين دخل الجنه ايضا اذا خرج استودعيه الله في دينه وماله وسمعه وبصره ولسانه وعقله وقلبه من الحرام والله ترتاحين فهو خير من استودع ايضا اقهريه ولا تبينين شكك فيه ولو يحصل اي كلام لا تقولي اغار عليك قولي دائما اخاف عليك من النار ....تراني يابنات عجازه في الكتابه بس لعيونكم وحبيت والله افيدكم وانال الاجر من الله