علاج خيوط مابعد الولادة والإمساك والشرخ"

علاج بإذن الله تعالى لـــ خيوط مابعد الولادة +علاج الإمساك + علاج الشرخ
بسم الله الرحمن الرحيم
الحمدلله رب العالمين ..
أحب أفيد الحوائيات عن أي شي اجربه ويفيد معاي
بداية زي مو عارفين مابعد الولاده تمر المرأة بإضطرابات صحيه ومنها الخيوط كيف تعالجها وتهتم فيها؟
ممكن يصاحبها أمساك وهينا خطر لانه ممكن تنفتح الخيوط ف تفادياً لذلك لابد من علاج الإمساك""
وممكن بعد الولاده "خصوصا اذا تعسرت شوي"يجي المرأة شرخ ..
فتجتمع عليها المسيكنيه :( هو من ألم ..هو من نفسية مابعد الولادة ...والا من طفل مايخليها تنام : (
والشكوى لله..الله لايحرمنا الأجر ولا أمهاتنا..
ماأبغى أكون سلبيية لكن هذا الواقع : ( لكن يختلف من أمرأة لأخرى...
المهم ندخل ف الموضوع..
1)علاج الخيوط طبعا اقصد ف الولادة الطبيعية اتشطف في الصباح والمساء بمووويه دااااافية واكون مذوبه فيها شوي مره وملح خشن..
وانتبهوا لنقطه هذي كويس الملح شي بسيط جدا جدا لان الهدف منه التعقيم ف كثرته تسبب التهابات انتي غنيه عنها.. حطي ملح نتفه بحيث اذا ذقتي المويه مايبان فيها هذي هي الوزنيه الصحيحه كذلك المره كثرتها تشد الخيط وتضر تدرون ليش اقول كذا لان بعضهم تسويه وتخليه ثقييييييل وهذا غلط حطي من كل شي نتفه سعنونه.... المهم تتشطفين بمويه دافيه وملح ومره وبعدها تننشفين كويس.. من سابع يوم ف الاربعين استخدمي هالخلطه للخيوط
(( كاس زيت زيتون-خوا جوا- مره))
مقدار الخوا و المره نصف ملعقه صغيره يعني شي بسيط..
الطريقة:"تحطين الزيت ع النار لين تحسيه بيبداء يغلي ثم حطي المره والخوا جوا وحركي شوي وبعده طفي النار.. خليه يركد بعده اشخليه بعلبة زجاج واحفظيه عندك" وطريقة استعماله مره باليوم بعد غسل المنطقه وتنشيفها حطي ع الخيط من الزيت.
وبس استمررررري لين تطيح الخيوط ..
2) علاج الإمساك.. التلبيـــــــــــــــــــــــنة شي فضيع صراحة ويكفيكم أن الرسول صلى الله عليه وسلم وصى عليها في أكثر من موضع..
وطريقتها " تاخذين ملعقتين شعير مطحون وتحركيها في كاس حليب لين تندمج ثم حطيها ع النار وحركي لمدة 5 دقايق كذا ..وحليها ب سكر او عسل ..كمان اذا حابين طعم افضل حطو شوي قرفه يعطيها لذاذه.. واستخدميها ع طوووول وهي دافيه اذا بردت ماراح تنفع.. وبتعرفون الفرق اذا جربتوا.. لأن سبحان الله وهي دافيه اول ماتخلصي منها ع طول تحسي انك تبين دورة المياه .. فعلا تغسل البطن.. انا كنت كل مغرب أكلها..
و قد عملت بحث عن فوئد التلبينة أيام الجامعه وأدهشتني فوائدها العظيمة..بإذن الله أفضى يوم وأنزل موضوع متكامل عنها : )
وكمان حاولي تضيفين لأكلك خضار وفاكهه.. زي الخس والجرجير والخيار والتفاح..يعني أشياء ما تكون حامضة وتناسب النفاس.

3)علاج الشرخ..أذا استخدمتي التلبينة بيخف معك الشرخ بإذن الله + استخدمي زيت الخواجوا حق الخيوط
لكن الأفضــــــــل بلامنازع لشرخ شييئين (زيت السمسم+بذور السمسم) الزيت خليه دهان موضعي "بشرط يكون طبيعي"..والبذور
اطحنيها وخوذي ملعقه صباح ومساء ومع الوقت بتدعون لي بإذن الله.. شي عججيب ماشاءالله..
وأهم شي الأستمرارررر.. وبس خواتي الله ينفع بما كتبت.. ونهاية هالموضوع أتمنى شغله بسييطه للي تستفيد تدعي لعمي الغالي بالشفاء العاجل مما أصابه ..
واللهم أجعل ماأصابه تكفيراَ لذنوبه..وأنزل العافية على جسده ياحي ياقيوم..
أي أستفسار أنا بالخدمه.. أستودعتكم الله