مرحبا حوائيات
كيف حالكم واخباركم
اول شي ابقولكم معاناتي مع ولدي
عمر ولدي الحين تسع شهور ونص
ومن يوم كان عمره 4 شهور دخله برد
وجته كحة الين كمل التاسع وهي مافارقته
ماخليت علاج شعبي او طبي ماعطيته ولا فاد
المستشفى يقولون يمكن حساسية بالصدر
حتى اخوانه اذا جتهم كحة ادهن صدورهم
وباطن رجولهم بفيكس والبسهم شراب
توقف الحمدلله الا هو ماتفيد معه هالطريقة
يوم صار الاسبوع اللي فات وديناه لللمستشفى
قالنا واحد عطوه بابونج وحلوه بعسل اصلي
عطيته بس مرتين
وماشاء الله تبارك الله وقفت على طول
بس استمرت اسبوع كامل وانا اعطيته
وماشاء الله له كم ليلة الحمدلله ينام ولا يكح
على فكرة كحته بس بالليل اذا نام
يوم استفدت قلت ابعلمكم واخليكم تستفدون مثلي
وتقصرون المعاناة مع الكحة
طبعا طريقته سهلة ماتبي شي
نقعي البابونج بموية مغلية
بدون ماتفوحينه على النار
واذا صار دافي حليه بعسل
او سكر نبات
واي سؤال انا بالخدمة
اختي قشر قهوة
استعملت علك المر ولا فاد معه
استعملت العسل مع الحبة البركة ولا شفت نتيجة
استعملت العسل مع الرشاد ونفس الحكاية
وسبحان الله مافاده الا البابونج
مشكورات حبيباتي على المرور والرد
وانا مااقدر ارد على كل وحدة
لان مشاركاتي ماوصلت الخمسين
اخت الغلا كله
ياليت ترجعين وتعدلين ردك
لانك كاتبة الله لايشفيهم
زينة احمد @zyn_ahmd
محررة ماسية
يلزم عليك تسجيل الدخول أولًا لكتابة تعليق.
لميس-
•
جزاك الله خير
الله يجزاك خير والله بنتي عمرها 4 شهور ذبحتها الكحه بس ابسألك وش نوع البابونج اللي مثل اللبتون او عادي
الصفحة الأخيرة