علاج سهل للخطوط البيضاء والتشققات

السلام عليكم ورحمة الله وبركاته

اخواتي وانا اتصفح في احد المنتديات لقيت مشاركة لأحد الأخوات تحكي عن تجربتها مع التشققات والخطوط وكيف تخلصت منها

وقالت ان هالخلطة اللي استخدمتها تزيل الخطوط وتوحد لونه وتخليه ناعم ووصفها دكتور
والخلطة هي:
حلبة مطحونة + ماء
تجيبي الحلبة المطحونة وتخلطيها مع ماء ساخن وتخليها شوية الين ماتكون دافية وتحطيها زي الماسك على جسمك واغسليها بعد ساعة ومفعولها يظهر بعد شهر من الاستخدام ولازم تداومي عليها يوميا وقالت صاحبة الموضوع انها لاحظت النتيجة في اسبوع او اسبوعين وسوتها قبل عرسها قبل سنتين والحين تستخدم هالخلطة على بطنها عشان الخطوط وقالت انها اختفت بس باقي على الخفيف ومثل ماقالت لازم تسوينها يوميا عشان تجيب نتيجة
وقالت انك لو تبين تخففين بروز البطن وخاصة بعد الولادة اخلطي خل التفاح مع ماء الورد طبعا بنات فيه نوعين لماي الورد فيه للاستعمال الداخلي يعني ينشرب وفيه معطر تخلطينه للعطور فلازم تنتبهون راح نستخدم اللي نشربه مو المعطر وخلطي معاهم زيت زيتون وحطيهم على بطنك مع التدليك لحد ما تحسين انه نشف ولبسي ملابسك كل ليله راح يشد

اتمنى ان موضوعي يفيدكم بشي واللي تجرب او جربت هالطريقة ياليت تخبرنا عن تجربتها وانا شخصيا راح اجربها ان شاء الله مع اني مااحب ريحة الحلبة لكن راح اتحمل

الخلطات منقووووووولة