علاج غريب وعجيييييييييب للسرطان

السلام عليكم ورحمة الله وبركاته

شحالكم ؟؟ ان شاءالله منااااااح :41:

بنات اليوم كانت رايحه بيت وحده من معارفنا وقالت سالفه ان شاءالله يارب تكون حقيقه عسب العالم يفتك من مرض السرطان اللي والعياذ بالله ما في عيله ما صاب واحد ولا ثنين من اهلها .. ربنا يحفظنا ان شااءلله ويحفظ جميع المسلمين ..

المهم
السالفه تقول انه في حرمة من عمان من مسقط كانت مصابه بالسرطان وكانت حالتها مره على الأخير .. المهم صحبتنا هذي كانت في يوم راقده ويها حلم وفالحلم ياها شخص يقول لها انه في بيتها في شجر جديده طلعت روحي لهل شجره وخذي غصن منها وطحنيه مادري طبخيه والله عند هل شي ونسيت بس المهم انها تاكل مادري تشرب مطحون هل غصن ورح يروح عنج السرطان .. بس لزم تعطين الناس وتعالجينهم من هل شجر بس بشرط من دون مقابل .. المهم هي نشت ثاني يوم من الرقاد وراحت الحوي ولا جان تشوف صدق انها بحويها شجرة جديده وقامت طبقة كلام الريال وبعد فتره راحت تحلل طلع انه السرطان راح منها ولا كئنه صابها شي .. وعاد هي قالت عيل الحلم حقيقه وراحت اطبق اللي طلبه منها انه تعالج الناس به من دون مقابل .. بس بعد فتره زوجها ستوغد وقام ياخذ من الناس بيزات عاد رجع لهاا الريال فالحلم وقال لها لزم ماتخذ عن الناس بيزات ولا بتزول عنها هل شجرة .. المهم هي حاولت مع زوجها ويوم شافت انه ما منه فايه راحت بيت اهلها ولا الشجر تطلع في بيت اهلها ورجعة تعالج الناس ابها ..

الحينه اللي خبرتنا بهل سالفه قالت انه وحده من معارفها راحت لهل حرمة اليوم مسقط عسب تاخذ منها العلاج .. وانا قالت اللي خبرتنا بالسالفه هذي شوفي صديقتج اذا صدق استفادت من هل شي وماطلع تخاريف او سوالف ين او من هل قبل عطيني رقمها ..

بس المهم انتو شو رايكم بهل شي تصدقونه ولا لا ؟؟؟