علاج فعال للقشره من أول مره

أخواتي عضوات منتدي عالم حواء:

حبيت اقولكم عن حل لمشكلة القشره انا شخصيا عانيت منها لسنوات والله لسنوات وجربت مستحضرات كثيييره من شامبوهات وولوشنات وكريمات مضاده للقشره وغيرها وغيرها ،،حتي علاجات المستشفيات مايابت نتيجه لان القشره كانت ترد بكل سهوله من عقب ترك المستحضر باسبوع فقط،، والطبيبه قالت لي بان القشره مستحيل ان تززول ويجب استعمال هاذا الكريم والشامبو طووووول العمر،، ولاكن ولله الحمد حصلت علي العلاج الذي ريحني من هذه المعانة التي طالت لسنوات ،، لاني جربته شخصيا وانا مرتاااااااااااحه جدا منه أولا : لانه شي طبيعي وموجود كل مكان ثاني شي أنه يريح فروة راسج ويخفف القشرة تدريجيا ،،

عرفتوا شو هو؟؟؟؟؟؟؟؟؟؟

(قشر الرمااااااااااااااااااان)

تاخذين قشر الرمان وتفورينه ربع ساعه لين ما تشوفين الماي تلون بلون الرمان عقب تبردينه وتصفينه وتمسحين فيها فروة راسج كلهااااااا حاولي ان الماي يسير كل مكان في الراس وتخلينه ساعه كامله بعدين اتغسلين شعرج عادي ،، بس بتحسين ان شعرج استوا خشن شويه من تاثير الرمان فيستحسن انج تسوين حمام زين عقب هلوصفه.

أنا اختيه جربت هلوصفه علي راس زوجها لانه كان يعاني من قشوور كبيره والحمد الله من يومها ماردت له القشره :02:

أتمني يابنات انكم تجربونه خصوصا انه ما يكلف ولا ياخذ وقت ولا ياذي البشره لان الدكتور عادل عبد العال سمعت انه مدح قشر الرمان حق ازالة القشره .

التجربه خير برهان
بس بنات انا ما اضمن الكم ان القشره ماترد مره ثانيه لان البشرات تختلف ونوع القشره بعد يختلف من شخص لأخر،،

انا بحاول اني استعمله اسبوعيا كل خميس اضمن ان القشره ما ترد مره ثانيه ،، لاني عانييييييت كثيييير لدرجه ان بشرة راسي كانت تلتهب ويطلع فيها دم من كثر الحكه ،، بس الحيييين الحمد الله مرتاااااااحه كثيييييير وان شاء الله استمر عليها،،

خواتي حبيت اني اساعدكم وافيدكم

والي تجربه اتمني اتمني اتمني انها تقولي عن النتايج ،، والله الشافي

اختكم : جوهرة دبي::27: