علاج فعّــال للقشرة بأذن الله.. مع خلاصة تجربتي ؟؟

السلام عليكم ورحمة الله وبركاته ..

علاج للقشرة مضمون بأذن الله:


اشحالكن ......... أخباركن .. انشالله بخير

الغالبية العظمى من الناس تعاني من القشرة والقشرة نوعين قشرة دهنية وقشرة جافة
وأنا خبرتي مع القشرة الدهنية واللي عانيت منها أربع سنوات لينا ما طاح نص شعري وما خليت شي ما جربيته
ومن تجاربي في هذا المجال :

شامبو نيزورال: كأول أستخدام . ممتاز يقلل القشرة بشكل كبير بس من أول ما تركته رجعت لي القشرة ولا كني سويت شي وخذيت منه اثنين غير اللي استخدمته أول مرة بس الظاهر أن كثرة الاستعمال ما تفيد

شامبو نيزورال مع قطرة للميكروبات والقشرة البكتيرية والتي يتضمن استخدامه للشعر : وصف لي الصيدلي هالقطرة مع شامبو نيزورال وقالي خلال ثلاثة أيام بتختفي القشرة وفعلا لاحظت التحسن .بس الظاهر أن القشرة معاندة ومش طايعة اتروح

شامبو كيفال(ses- Keval) :
من سيسفاليا ، صناعة أسبانية و سعره 35 درهم وفي منه للقشرة الدهنية والقشرة الجافة وهو الله أوكي بس مش فعّال لدرجةقضاء على القشرة.

شامبو تي جل (T/Gel)من نيتروجينا :
وهو الله أوكي وزيين و مناسبني واايد وأنا حاليا أستخدمه مع الخلطة اللي فادتني بقدرة الله تعالى

قطرة بنوفيت (Bentovate : scalp application from Glaxo) اا
وهي قطرة تنفع لفرة الرأس واستخدمتها فترة وهي زينه بس يبالها أستمرار مع استخدام شامبو خاص للقشرة ز والحين بعد استمر عليها

الليمون: الصراحة ما نفع معاي واحس ماله أثر لأن قشرتي واايدة
الروب: أحسه مفيد وجربته مرة وحدة بس مش فعال وماله تأثر الشامبوهات

الخل : مدحوا وايد بس ما جربته لأن رييييييييييييحته أبدا ما تنطاق

قشور الرمان: وهالخلطة مدحولي اياها واايد بس ما سويتها ويقولون انها واااايد فعالة للقشرة


الخلطة العجيبة: واللي فيها أختفت عني القشرة والله على ماأقول شهيد بس يباله استمرار ولو لمدة شهر ..

وهي عبارة عن خلطة زيت النارجين مع الثوم الموجودة في المنتدى وأنا جربتها بس ما نفعت معاي واايد وبعدين فكرت أحط عليها الحلبة المطحونة وبعدين استخدمته ... والله ما بتصدقووووون كيف القشرة أختفت من شعري ... فظييييييييييييييييييييعة هاذي الحلبة كنها طارد للجراثيم .. ه
بس لازم الاستمرار لأني يوم اتوقفت عنها ... ردت طلعتي القشرة بس خفيفه فلازم تستخدمينها لمدة شهر على القل بمعدل مرتين او ثلاث في الاسبوع وبتشوفون النتيجة وبتدعولي

:27:
والله على ما أقول شهيد
____________________________________
سبحان الله وبحمده,,,,,,,,,,,, سبحان ربي العظيم