<< بدت تتشرط خخخخ من زين الخشه
المهم
كنت أقرأ في موضوع لإحدى الأخوات تشكي فيه من حساسيه في بشرتها و عيونها و وجهها
أنا أعاني من نفس الحاله يعني لو عطرت مخدتي و نمت عليها اصحى الفجر و وجهي بقع حمراء
نجي لحساسية الأنف
أنا موظفه و كنت في بداية كل ترم مع الغبار و الحوسه لااازم أتعب
و مو أي تعب
لاا
عطاس متواصل كأن عندي زكام و يحمر وجهي و تنتفخ عيوني و أجلس يومين أو ثلاث أيام تعبانه كأني تعبانه من الزكام مع ان اللي فيني حساسيه
:icon33:المهم و الأهم جات وحده من المدرسات و قالت لي ليه ما تجربين خلطه الثوم
طبعا أنا من كثر ما طفشتني الحساسيه بنفس اليوم جربتها
والله العظيم يا بنات اني من هذاك اليوم قبل يمكن خمس سنوات و انا ما اشتكي من الحساسيه( ماشاء الله و لا قوة إلا بالله) و الحين احس انها بدأت ترجع لي على خفيف فقلت عادي أعيد الخلطه من جديد
بس على الاقل ارتحت خمس سنوات لأني كنت حتى الورد ما اقدر اشمه على طول اتحسس
و للمعلوميه أخوي جربها و خفت عنه مره وحده بس و رجعت له من جديد ما أدري ليه
أنا طريقتي كانت كيف
أخذت قطرة انف قديمه و نظفتها زين زين و كنت اشفط المويه فيه و اكبها عشان تنظف
و أخذت فص ثوم و دقيته لين قال بس
أبي اطلع عصير ثوم و عيا يطلع فزدت عليه كم قطره مويه يمكن قطرتين أو ثلاث و رجعت اهرسه
بعدين اخذت القطره و شفطت المزيج اللي سويته فيها
و استخدمته مره وحده فقط
و قطره وحده فقط في كل منخار
راح يعورك وقتها بس و ترتاحين بعدين