نسمع بالأيام الأخيرة أكثر الحريم لما الوحدة تحمل تسقط على طول وخاصه بالأشهر الثلاث الأولى ( طبعاً كلامي هذا للي تسقط من غير سبب: يعني ماتشيل شئ ثقيل ولافيها أمراض اللي تسبب التسقيط ؛ اللي هي السكر وجرثومة الدم ( داء القطط) ولا عندها هرمون الحليب متلخبط ولا عندها الغدة الدرقيه ولا عندها تكيس بالمبايض ولا حمى مالطيه ولا الأكياس اللي على المبيض ) طبعا هذولا لازم الوحدة بعد التسقيط تسوي تحاليل عن كل اللي ذكرت وإذا طلعت سليمه الحمدلله نجي هنا للوصفه اللي بأذكرها وأول شئ وقبل كل شئ ماأبي إلا دعوه صادقه بظهر الغيب ;
والحـين نجـي للوصفــه:
* * 1- لازم تقرين سورة البقرة يومياً؛ ويفضل بوقت العصر قبل الغروب بساعه إلا ربع أو نصف ساعه
* * 2- تجيبين ورق سدر ( من شجرة سدر يعني طازه لازم ) وتأخذين سبع ورقات وبعدين تجيبين موية صحه أم ريال وتخلطين الموية الصحه مع ورق السدر بعد ماتغسلينه بالمويه طبعاً بالخلاط وبعدين تبدين تشربين هذي من أول يوم تنزل عليك الدوره ( يعني مثلاً نزلت عليك الظهر تسوين الخلطه على طول وبعدين تشربين نصفه أول ماتنزل وبعدين نصفه الثاني المغرب وبعدين ثاني يوم وثالث يوم نفس الشي تسوين الخلطه تقسمينه نصفين نصف الفجر ونصف المغرب أهم شي الشرب يكون بهالوقتين الفجر والمغرب وأرجع وأذكر أهم شي أول ماتنزل عليك الدوره على طول سوي الخلطه وأشربي نصفه ) وحاولي قبل لاتشربين أقري بالمويه أية الكرسي والمعوذات والفاتحه
* * 3- تدهنين بطنك من تحت السر كل ليله بزيت زيتون أقري فيه سورة البقره ( أنتي لما تقرين أنفثي فيه )
* *4- حاولي قبل لاتنامين تسننين كم سنه وإدعي الله سبحانه إنه يشفيك كثري من الدعاء : رب هب لي من لدنك ذريه طيبه إنك سميع الدعاء ; ورب لاتذرني فرداً وأنت خير الوارثين
**معلــــومه**
( لو طبقتي اللي أقوله صح مع أول دوره أو ثاني دوره من تطبيقك للخلطه راح ينزل معك قطع دم متجلط بأول يوم وينزل معك مع طلق خفيف كنه ولاده *لكن لاتخافين هذا الشر نزل منك وبإذن الله تعالى راح تزين أمورك وراح تحملين ويكون كل شي تمام بس أهم شي إذا ربي وكتبلك وحملتي بعد هذا اللي قلته لا تخلين القراءة ولا الزيت بس انتبهي لاتشربي السدر أثناء الحمل لأنه يسقط وبس سلامتكم
ـــــــــــــــــــــــــــــــــــــــــــــــــــــــــــــ
* *وأهم شي دعواتكم لي بالتوفيق بالدنيا والآخره لكل خير يارب( اللهم إجعلهاصدقه عني وعن والدي يوم ألقاك)
الله ينفع بها من يحتاج لها يارب