وبعد فترة نسمع انه يسبب سرطان (لاسمح الله ) ونسمع ان إذا مااستمريتي عليه يرجع الشعر يطيح
ونسمع انه ماجاب نتيجة
ونسمع ان تكلفته باهظة الثمن
وهكذا
لذا عزيزاتي بحثت في مراجعي عن علاج الشعر بالأعشاب ولقيت كنز من الأعشاب لعلاج الشعر بطريقة التونك وسهلة وليس لها إضرار جانبه
ندخل في الموضوع
الأعشاب لها طريقتين في تصنيع التونك
طريقة غلي العشب وتخص العشب إذا كان على هيئة حبوب أو بذور
طريقة نقع العشب في ماء مغلي إذا كان ورق
طريقة نقع العشب في ماء فاتر
الطريقة سهلة جداًَ
ماعليكي سواء تحضير بخاخ فارغ (سيراي ) أو إبرة فارغة
بأذكر الاعشاب التي اثيتت قدرتها على علاج الشعر من ناحية . التساقط . الفراغات . تكثيف الشعر .علاج الشيب . نمو الشعر
أولاً ابدأ بسيد انبات الشعر( بالنسبة لي)
وهو السدر
ولعمل تونك مكثف ومطول ومنبت
حطي 3 ملاعق سدر بلتر ماي وخليه بالثلاجه ينقع يوم كامل بعدين صفيه وحطي بعلبة بخاخ فارغة
وكل يوم او يوم بعد يوم على حسب الوقت رشي بالبخاخ على فروه الرأس وعلى الشعر ومشطيه وخليه على الشعر ماله ريحة ولااحد بيلاحظ واذا جف على طول تروح الريحة فائدته يطول الشعر ويوقف التساقط ويكثف
وخزنيه بالثلاجة لا يتغير وكل ماخلص سوي وبعد شهر تلاحظين الفرق
+++++++++++++++
التونك الثاني
وتستخدمي بدل البخاخ إبرة
هو عشبه الأس وله أسماء كثير منها (الريحان & الهدسة & الهدس & إلياس )
طبعاً انا نقلت لكم طريقتها من احد المنتديات مع التجربة
في تطويل الشعر وتسويده
الخطوة الاولى
صورة الاس
الاغراض موجودة بالصور
علبة ماء فاضيه
قمع وبهالحالة ما كان عندي قمع استعملت هذا اللي يسوون فيه القهوة الفرنسية ماعرف شسمه
عشبة الياس او الريحان
استكانة شاي او اي شيء يماثل الاستكانة مثل كأس صغير جدا
المقادير
ملعقه كبيرة عشبة الياس = استكانة شاي من الماء
يعني اذا كان علبة الماء بتاعتك كبيرة او صغيرة تستعملين هالمقياس
ثاني خطوة
اني ضفت الماء للعلبة عشان اتأكد انه ما يزيد
ثالث خطوة
عبيت الماي في استكانات الشاي و بعدين حطيتهم بوعاء ( وبحالتي استخدمت اللي يسوون فيه القهوة الفرنسية لوول سامحوني ماعرف اسمه
وبعدين بعد ما حطيت الماي وبحالتي صاروا 4 استكانات شاي
يعني كم ملعقه من الياس نحط ؟؟؟
4 ملاعق
خلطتهم زين وعبيته مرة ثانية للعلبة
طريقة لاستخدام
بعد ما تسوون هالسائل تره بيطلعلكم مثل الماي يعني مو ثقييل ولازم ترجونه كل مرة استعمال
فأحسن شي وانا استعمله اللي اهوه الابرة
يعني بدون الدبوس مالها اللي يعور
فقط البلاستيك
وتحطينه بشعرج بس اخل اقولكم بالتفصيل كيف
بايدج اليمين بواسطة الابره حطي السائل على شعرج وبايدك اليسار فركي السائل بشعرج عشان لا يطيح و يدمر ملابسج
هذي احسن طريقة وانا استعملها
هذي تجرية احد بنات احد المنتديات نقلتها للإفادة
++++++++++++++