علاج للكحة باذن الله تعالي

بسم الله الرحمن الرحيم

هلا حبايبي اليوم يبتلكم علاج للكحة باذن الله تعالي ومجرب وانا شخصيا جربته بعد ما قالتلي رفيجتي عنه
وحبيت افيدكم لان كانت تذبحني الكحة توصل لشهرين وتذبح صدري بس الحمد لله بعد ما استخدمتها ارتحت وااايد
واتمنى الافادة للجميع ولا تنسوني بالدعاء
الوصفة هي : تييبون جم حبة فجل احمر تكون شوي كبيرة وتحفرونها بالنص جنكم قاعدين تحفرون كوسا بس مو كلها يعني يادوب حفرة صغيرة بالوسط وتييبون سكر العادي تقريبا قفشة صغيرة وتحطونها بالحفرة اللي حفرتوها بالفجل
وتخلونها طول الليل بصحن طبعا تغطونها بنايلون عشان الحشرات وتشربون عالريج الماي اللي يطلع منه وتقدرون تحطون مرة ثانية سكر نفس الكمية وتخلونها طول النهار وتشربون الماي اللي يطلع مرة ثانية بالليل او المغرب او قبل النوم وتسوون فجل جديد ونفس الطريقة لمدة ثلاث ايام وباذن الله راح تختفي الكحة بالمرة وادعولي
ان شاءالله تكون الوصفة سهلة وبسيطة ومفهومة واللي حابة تسال انا حاضرة :)