مشكلتي ولدي كحه معه شهر
عمره ثلاث شهور
زكمة انا الشهر اللي راح ببدايته ونعدى ولدي وصارت كحه معه
حاولت ووديته للدكتور يقول طقطقي ظهره وعطيه بخار مويه بس يعني مامعه فنتولين
انا اطقطقه بس ماعطيته البخار قلت صغير
وزادت حالته رحت مره ثانيه للدكتور قلت لا كحته ماينفع معها هالكلام اطقطق ظهره واعطيه بخار ماء
وعطاني علاج شكله مضاد يعطي على وزن الطفل يعني ابره فيه يسحب بالكيلو
مدة اسبوع ووقفته
ومعه شراب الكحه سولان مقدار 1سم
استمريت على الشراب اسبوعين ولا فيه فايده مع كحته بلغم فضيع وخشخشه بصدره كله بسبب الدكتور يوم اجيبه اول مابدت الكحه كانت خفيفه واعطيه يانسون بس زادت
وصارت خشخشه وثقيله وماتنفك عن صدره اذا كح
استمريت على سولان اسبوعين ووقفته وانا مستمره على اليانسون تقريبا من ثلاث الى اربع مرات واشوف تكرمين برازه يتمغط اسفه لو نسيت او انشغلت عنه وماسويت له بهاليوم يانسون برازه يصير عادي ولا يتمغط
قالولي هذا بلغمه ينزل مع اليانسون صرت ارضعه رضعه حليب ورضعه يانسون وبدت كحته تخف بالتدريج وفرحت وخفت حيل وجلست فرحان اربع ايام وبببنتي زكمة بعدوى من بنت اختي واعدت واخوها بنفس اليوم بالليل تلطس خشمه ويشخر
والحين ارجعت له الكحه لها يومين ثقيله وبلغم ياربي ووديته للدكتور وصرف لي نقط 5 نقط بالليل مره واحده
وكنت اتكلم مع صديقتي قالت لا عطيه 10 نقط مرتين باليوم قلتلها ماقدر الدكتور قايلي كذا قالت لا هالعلاج كذا يصرف 10 نقط ومرتين وش هالدكتور

مادري وش اسوي
ثلاث شهور ماقدر اقلل حليبه زي ماتقولين
الحليب يزيد البلغم ويشيط الكحه بعد الرضاعه مباشره بس وش اسوووي ماقدر اقلله وهو بهالعمر

شيهانه بارك الله فيك
بائعة المسك طبعا تحت السنه خاصة او الشهور مانقلل الحليب نهائي
بالعكس نعطيه لين يشبع لانه معتمد عليه بيجيه سوء تغذيه ويستمرض لاقدرالله
لكن بما انه صغير استمري على اليانسون بس خففي مو كل يوم اعطيه مرتين الى 3 مرات اسبوعيا
ولازم طبيب كويس والله مساوى يجونه من كل المدن نزول مخصوص
طفلك لسى صغير يحتاج طبيب ضروري بس مو اي طبيب ابحثي زين ولو انتي في الغربيه لاتترددين جده الوطني د مساوى

الله يجزاك الجنه يا كاندي

بنات بقولكم شي يمكن تستفيدون منه
انا جايه من الرياض قبل اسبوعين زرت اخصائي حساسية الصدر
تدرون بعد التحاليل والاشعه قال الدكتور مشكلة الناس يحكمون  على انفسهم انها حساسية صدر
مايدرون ان المشكله في الانف
ومشاكل الانف تنزل على الصدر وتسبب الحساسيه
فﻻزم نعالج الانف اوﻻ 

تخيلوا يقول فيه ناس تاصل اعمارهم ل 15 و20 وهم يستخدمون  البخار وبخاخ الصدر وبعد االكشف يتبين ان المشكله بالانف

الله يشفي اوﻻدنا ويرفع عنهم جميعا واوﻻد المسلمين 

اختي دلوعه فعلا كلامك صحيح و يكون بعلمك وعلم الجميع ان حساسية الصدر مو مرض مباشر
هي تكون حساسية انف يعني سيلان او انسداد ورشح دايم وممكن حكه في الانف والعيون
وممكن عرض واحد فقط منهم
لو ماتعالجت حساسية الانف تتطور وتصير حساسية صدر مثل ماتفضلتي وذكرتي حيث انها تظل تنزل على الصدر وتلهب الشعب الهوائيه ممايؤدي مع مرور الوقت والاهمال الى حساسية الصدر
وهذا ماحصل مع واحد من اطفالي وكان الطبيب دايم يقولي حساسية انف ولاتهمليها واستمري على العلاج بس ماكنت مهتمه اتوقعه رشح عادي وان الطبيب ماعنده سالفه
لحد ماصارت حساسية صدر :(

نسيت انبه على شغله وهي الحيوانات تمنع منع نهائي عن الاطفال المصابين لانها سبب قوي لحساسية الانف ثم الصدر

الله يعطيك العافيه عالموضوع

دايما اسمع عن الدكتور هشام لكن الي اعرفو انو مره زحمه واوقات يتعب ولدي واوديه دكتور فعياده خاصه

ماعليه زحمه ومايعطي بخار على طول يبدا بالادويه لكن يقهرني لمى يكون في التهاب لازم يكتب مضاد

ويكتب كمان دوا للكحه واكره شي عندي هذي الاثنين لانها مضره

بس بسألك الدكتور هشام يكثر ادويه وكيف تسوين تحجزين قبل ولا كيف وياليت ترسليلي رقمو

الله يخليلك اطفالك ويوفقك