علاج مجرب لتساقط الشعر وتكثيفه(تجربه شخصيه)لحبوب زيت السالمون

السلام عليكم ورحمة الله وبركاته

كيفكم يابنوتات وياستاتان شاءالله بخير:)

انا اليوم ونا بكتب الموضوع مبسوطة لإني ان شاءالله

بفيد غيري وما ابغا غير الدعوة بظهر الغيب حتى مو لازم تكتبيها

من كثر ماشفت مواضيع البنات والستات الي جربو اشياء ونفعتهم

سواء للشعر او التنحيف او البشره قلت ليه ما انا كمان اكتب عن الشي الي جربته واستفدت منه

ومني خسرانه شي بالعكس على الاقل دعوة في نفسك زي ماقلت بالاول مو لازم

تكتبيها وما اطول عليكم الموضوع باختصار

انا اعاني من تساقط رهيب في الشعر وشعري خفيف لدرجة فروة

راسي من قدام مبينة :icon33: :icon36: وهالفترة بسوي ريجيم لكن المشكلة اذا انا كده وبصلع

من قدام اجل كيف لو سويت ريجيم لانو زي ماهو معروف الي تعمل ريجيم

ممكن يتساقط شعرها وتتكسر اضافيرها وكده يعني طبعا غير عوامل التعريه

زي الحمل والولادة المهم اتذكرت انو قبل سنة تقريبا سلفتي راحت لاخصائية تغذية

عشان بتعمل ريجيم واعطتها مع النظام فيتامينات عشان شعرها وبشرتها

بس مدري ليه وقتها ما اشتريت منها :confused-

المهم لما جيت بعمل ريجيم جات هادي الحبوب على بالي قلت خلليني

اشتريها وهادي الحبوب اسمهاحبوب المارنيز(زيت سمك السالمون) وتنباع

في الصيدليات ولما اخدتها وقرأت الروشته وقريت عن مفعولها وتأثيراتها

لقيتهاخيال فوائدها: تغذي الشعر _ تساعد على حرق الدهون في الدم_(يعني بتساعد الي تسوي

ريجييييم مرة) غير كده انها مفيدة للقلب والشرايين وبتحمي من نزلات البرد والانفلونزا

ووحتى للحوامل مفيدة بس اعتقد في الشهور الاولى ومالها اي اضرا ابدا ابدا ومفيدة للمدخنين

كمان عشان تصلب الشرايين .

والنتيجة بعد شعر من استعمالها طلع شعر من قدام:icon28: :icon28:

من منابت الشعر وبالفعل التساقط خف شوي

كنت اخد حبتين مرتين باليوم باليوم والعلبه فيها 60 حبه وعلى فكره في حبوب تانيه

تقريبا زيها وهيا حبوب زيت كبد الحوت بس المشكله ماتنفع للي بيسوو ريجيم

لاني سألت الصيدلي فقلي ممكن تاخدي حبه في الاسبوع يعني معناها تفتح الشهيه

ونا قرأت عن منتجات زيوت السمك كلها بالفعل هيا مغذيه للشعر ومفيدة

لكن زيت السالمون للي مايبغو وزنهم يزيد لكن الي عادي عندها مو مشكله لو تخنت

تجرب من اي نوع يعجبها واتمنى اكون افدتكم يارب ..:icon35: