علاج مجرب لجرثومة المعدة

السلام عليكم ورحمة الله و بركاته
بأختصار وبدون مقدمات رح احكيلكم معاناتي مع جرثومة المعدة و شفائي منها بفضل ربي سبحانه وتعالى
بلشت معي اول زواجي كان اول اعراضها رائحة تم وما كنت عارفه انو اسبب هو المعدة استمريت اكتر من سنة
حتى صارت ريحت تمي كتير كريهة بعد سنتين بلشت الم اعلا بطني بس لما اكول يروح الوجع وبعد ما اطعت ال3 سنوات بلشت توجعني بطني بشكل فظيع وما اقدر نام الليل وبعد فترة صار معي حرقة بالمعدة و تقيء و اسهال اكرمكم الله وما عاد وقف الالم لا ليل ولا نهار كنت حس حالي عم موت انا عم احكيلكم بالتفصيل منشان ما تتأخروا بالعلاج متلي انا كتير بكابر على حالي بيوم اخدني زوجي على المشفى وحكيتلون قالولي احتمال قرحة واحتمال جرثومة وطلعت بعد الاختبارات وتحليل النفخ النتيجة جرثومة المعدة وبدأ الصراع معها عطوني مضادات حيوية تعبتني بشكل فظيع صار تمي طعمتو مرة وصار الالم زايد ولما وقف الدوة يرجع الوجع افظع من قبل وناس وصفولي عسل وناس وصفولي ماء زمزم وثوم واشاء كتيرة جربتها ما ستفدت اخر شي وصفولي الخل الطبيعي (شغل البيت) قلت لحالي يا بنت جربي اهو ما فارقه وعملت خل وانتظرت حتى صار و صرت حط ملعقة خل كبيرة على كاسة ماء قالولي لمدة 10 ايام والله ثم والله من ثاني يوم صرت اقدر نام وما كملت العشر ايام الا كنت طيبانة بفضل من ربي الحمد لله وهلق الي 5 شهور ما عاد في ولا شي من اعراض الجرثومة بعد صراع دام 5 سنين اللهم لك الحمد ما بقدر اوصفلكون شعوري بعد الشفاء لان كتير كنت عم عاني والجرثومة غير عن كل الالام الها اعراض تانية متل الوسواس و الكأبة واخر شي بقلكون الله لا يبلي حدا بهالمرض ويشفي جميع مرضى المسلمين وامانة اذا بتعرفوا حدا معو هالمرض عطوه هالعلاج حرام لان عن جد صعب و السلام عليكم ورحمة الله وبركاته.