علاج مجرب للأكزيما..وللكحة المزمنة..وفي متناول الجميع وغير مكلف ولله الحمد

جزاك الله خير على النقل لعل الله ينفع بها من يحتاج لها.

جزاك الله خير وان شاء الله اجربها لبنتي وتفيدها باذن الله

أختي مشكورة على الموضوع..... بس الخل حار جدا ومضر اذا استخدم بطريقه غلط خاصه على الأمراض الجلدية لان مو كل الناس يتحملون حرارتة وهذا شي واقعي حدث مع اخوي الكبير ،الوالدة قالت لي انه اخوي الكبير لما كان طفل اصيب بالاكزيما وعجزوا عن ايجاد حل لها واخر شي قام واحد معالج شعبي وصف لهم الخل لدهن اماكن الاصابه،قامت الوالده على نياتها وبدافع الرغبه القويه في شفاء ولدها دهنت جسم اخوي بالخل شنو اللي صار؟؟؟؟؟؟؟؟

انتفخ كل جسمة مرة وحده وصار احمر واصيب بصدمه وأغماء وكان يبي يروح فيها لولا ستر ورحمة رب العالمين،قامت الوالده فورا خذت اخوي للمستشفى شنو قال لها الدكتور؟؟؟؟؟؟؟؟
مين المجرم اللي وصف لكم هالطريقه في العلاج قالت الوالده وصفه من معالج شعبي،قال الدكتور فورا ابي عنوانه لاني راح اودية بالف داهيه،لكن الوالده رفضت وقالت ما اذكر بالضبط لان شخص جاب لنا الوصفه من المعالج،طبعا الوالدة سترت على الرجال لان ما تبي تسبب له الضرر لان في قناعتها انه ما كان يقصد اذيه اخوي (قلبها طيب الله يطول في عمرها وما تحب تضر الناس).
المهم بعد كورس ابر ومعالجات ردت الروح حق اخوي المسكين وبعدين الله هدى امي لدكتور شاطر وبفضل الله عالج اخوي وقال لها كل ما يكبر تروح الأكزيما تدريجيا وهذا اللي حصل ولله الحمد والمنه.
حبيت اضيف هالرد علشان ما يصير ضرر لاي شخص مثل الضرر اللي صاب اخوي وشكرا.

احب افيدكم عن الاكزيما والكحه والبلغم اولا الاكزيما انا خمرت كسرة مره مع شوي كمون مطحون وصرت امسح الاكزيما بالليل والطفل نايم وبعد ماتجف ادهنها بفازلين انا قاريه فيه بنفسي والحمد لله ............. اما الكحه المزمنه تعرفون الكتشب ؟
حطي ملعقه كتشب مع عصير نص ليمونه وشوي كمون وزيت زيتون يشرب لمدة 3 مرات باليوم صحيح طعمه غير مستساغ لكن رهيب مفعوله وبعلمكم كيف اكتشفته ......كانت عندنا شغاله اندونيسيه كلنا بالشتاء نتعب ونكحكح وهي مشاء الله مصحصحه رغم انها تجلس مع اهل البيت وتقرب يمهم ويوم شافت صاحبة البيت تعطي عيالها علاج كحه لمدة اسبوع وماسكنت قالت معليش اسوي لكم علاج بصراحه خافت صاحبة البيت لكن وقفت قدامها وهي تخلط وتصلح وزي ماقلت لكم اول باول تروح الكحه وتقول صاحبة البيت انها تحط معه شمر مطحون حتى يزين من طعمه اما البلغم انا مجربته وقت الدوره يطلع اي شي لزج قلت بعطيه طفل بشكل مخفف لقيت انو الطفل بعد الرشاد يكح ويستفرغ واستفراغه كله بلغم حلو عشان مايحتشر بالصدر والشعب وتجيه كتمه ......... وبما اننا بمجال تجارب العلاجات المفيده اكو علاج للبواسير
وانا الي مسويته لاحد افراد البيت تعرفون اعواد الاذان اغمسيها بمره مخمره واتركيه تقريبا 10 دقايق لحد مايتغلغل
وبعد كذا جيبي عود اذان واغمسيه بفكس وادخليه بفتحة الشرج زي المره وهكذا وماراح ترجع مره ثانيه ان شاء الله او راح تخف تدريجيا بالظهور لحد ما تشكرين ربك لعدم رجوع البواسير اتمنى اني افدتكم ونسال الله العزيز القدير ان يشفى كل مريض
.

عاشقة الملك
عزيزتي كم تكرر هذه الطريقة للبواسير
ارجو منك التوضيح اكثر
تحياتي