علاج نهائي لمشكلة اهمال البيت والكسل

كثير شفت بنات يكتبون ...ويسئلون


انا مهملة بيتي


جارتي بيتها وسخ


حرمة اخوي....يشتكي منها اخوي انها وسخة ويبي يتزوج عليها.......


زوجي يشتكي من اهله انهم وسخين.....


رحت بيت صديقتي لقيت ...بيتها وسخ....


رحت لاهل زوجي لقيت بيتهم كلة غبار يكتم وماهو مكنس ,,,,وبصراحة قرفت منهم .....


يبنات مطبخي له شهر ما غسلت مواعينة وما باقي في الدولاب مواعين وما ني قادرة اغسلة....


يابنات زوجي ما يجلس في البيت وانعكس هذا على نفسيتي واهملت بيتي....


زوجي صدته يحب وحدة وكرهت نفسي واهملت بيتي....


والرجال يقولون ....زوجتي وسخة وما تعرف شي وانحرج اعزم اصحابي في بيتي.....


ياشباب..ما قدر اعزم اخوياي في بيتي لان حرمتي مرة بيتها وسخ...وانا ناوي اتزوج عليها اش رايكم...وطبعا كانت كل الردود....ياخي تزوج انت اش مصبرك على ها الحال الشرع محلل اربع...واللي يقول طلقها ياخي عادي الدنيا مليان بنات حلوات ونظيفات.....الخ


و.........

و...........

وو,,,,,,,

وو,,,,,,,,,


ويا كثر انتم ما قرئتم اكيد اكثر مني بكثير





فحبيت اعطيكم العلاج السحري لحالات اهمال المنزل وترك البيت في فوضى



طبعا العلاج اقل مدة 6 اشهر


واطول مدة استعمال هي سنة واحدة فقط فقط فقط فقط لا غير



وتأخذ الجرعة اسبوعيا في الثلاث الاشهر الاولى.....للمعاجة المكثفة.....ثم تقلل الجرعة الى ...كل اسبوعين لمدة ثلاث اشهر اخرى.....ثم تثبت الجرعة الى كل شهر مرة الى ان تنتهي مدة العلاج ....




وقبل تناول الجرعة....يجب ان تقولي.......اللهم اكفني فيهم بما شئت اللهم من ارادني بسوء فرد كيده الى نحرة+ دعاء الحفظ




وبعد تناول الجرعة.....يجب ان تقولي كفارة المجلس ...وطبعا الكل يعرفها.




اكيد انكم خمنتو وعرفتو العلاج ...




العلاج هوياغاليات




العزائم



اعزمي قد ما تقدري ناس في بيتك



فيالي تقولي انا مهملة بيتي .....قومي اعزمي احد من هاللي حولك...اهلك اهل زوجك جارتك بنت عمك بنت خالك .....اي وحدة من قريباتك.....وياليت تختاري القريبات اللي يحبون المساعدة وعندهم فضول يدخلون مطبخك وغرفك ويعلقون وينتقدون ....علشان يكون العلاج انفع وافضل


ولا تكلفي على عمرك,,,,دلة قهوة مع تمر وشكلاته ....ودلة شاهي مع فشار وبسكوت ومكسرات فقط....




وخلي الجمعة عندك كل اسبوع......وشوفي فعايل ها العلاج ببيتك ...
.وشوفي اشلون اذا شفتي طايح بالصالة قشة صغيره ...............تصير في عينك كأنها برميل زبالة منكت بالصالة



اما اللي تقول .....اخوي يشتكي من زوجته انها مهملة ووسخة ويبغانا نزوجة وانا خايفه على اطفاله لاني احبهم....... وما ادري ايش



فأنا اقول لكل وحدة يشتكي اخوها من زوجته المهملة....بدل ما تنصحية يتزوج عليها ...روحي اطلبي منه انه يهلكها بالعزايم ويكثر قد ما يقدر من العزائم ....علشان تشفين غليلك منها...وفي نفس الوقت تتعدل الحرمة وتنفع اطفالها اللي هم اطفال اخوك اللي تحبينهم ودمهم من دمك وكمان تكسبين اجر في اخوك انك ساعدية تصير عندة حياة سعيدة انت السبب فيها



لان معروف ان الزواج من ثانية يجر ويلات على الابناء وعلى الزوج نفسة المتورط ولا يعرف كيف يعدل وتتحملين ذنب تشتيت عائلة وان اخوك يطلع يوم القيامة بشق مائل اما الخلق والخالق...وغير النفسية الي بيعيش فيها اخوك بين هذي وطلباتها وهذي وطلباته ...وتفاصيل صغيرة طويلة عريضة لو اكتب فيها لبكرة ما اخلص




واللي تقول جارتي بيتها وسخ

اذبحيها بالزيارات واخذي كل الجيران معك لو تقدرين ...وخلي كل اسبوع جمعتكم في بيتها
زوروها فجئة بدون ما تدري الا انتم طابين عليها ...ودورو في بيتها واحرجوها وخلو وجهها الوان الوان ....اذا كانت تهمكم فعلا وتهمكم مصلحتها ...وهمكم انها تذكركم بالخير بعد 5 او ست سنوات وتدعيلكم دائما على اللي سويتوه فيها ...وتكسبو اجر في انقاذكم لعيالها من اهمالها ..فمن احيا حياة فكأنما احيا الناس جميعا .......وانتم وافكاركم عاد ...واكيد كل شي خلوة بطريقة حلوة ومهذبة ومتحضرة ....وليس بطريقة همجية وسب وتحقير وما ادري ايش....الا اذا احتاجت الحالة ذالك فجرعة قليلة من الاستحقار والتحقير والتهزييء بمقدار 200 ملل على قولة الشيعة






انتم كملو الباقي من الامثلة لاني تعبت من الكتابة










ملاحظة



توني مبتدئة يابنات
ارجوكم لا تبقون فيني

لاني لاحظت اغلبكم مشحون وينتظر اي مكان يبق فيه شحنته

وخلوني اكمل معكم فترة قطة صغيرة ناعمة ....وبعدين اقلبوني لوحش مفترس...

شوي شوي علي لاحقة على الشقاء والاخذ والعطاء والمجادل
الله يخليكم لي





هذا الموضوع رئي الشخصي فاللي ما يعجبها رئي لا تستقوي علي

تكلمني بهدوء واخلاق ونعومة

والله يوفق الجميع

وفكرو شوي في الموضوع وادرسوه من جميع الجهات


واللي ما يعجبها الموضوع

تتركة لا ترفعة