اعتقد انه كلام سليم لانه انا اكسل كثير لاكن اذا سمعت احد يبى يجى سبحان الله يجينى نشاط حلو اقدر اشتغل

اختي اسمحي لي اني اخالفك الراي

لاني سبق واني مرينا بها التجربه مع اشخاص على قولتك هلكناهم بالزياره بالعكس اذا جينا جلسنا ننظف معهم وكنت انا واخواني صغار

تدرين وش الفايده اللي خرجنافيها

ان فلانه وسخه هي وبيتها وحمامها هذي ذكرياتنا عنها

والناس ماتنسى لو يتعدل الواحد لابد يتذكرون ماضيه

لا الله يستر علينا وعلى المسلمين ولا يشمت بنا عدو ولا حاسد

واللي مهلكه نفسها وموسوسه وش الحل وش علاجهها

مع إحترامي الشديد لرأيك يالغالية
إلا أني أخالفك الرأي وبشدة !!

مستحيل أني اطب على جارتي فجأة واجلس افرفر ببيتها واحرجها
واخلي على قولتك وجهها الوان الوان !!!

وربي لو سويت كذا ماراح تنساها لي طول عمرها وراح تدعي علي
وما الومها ابداً ابدا لو رفضت حتى تستقبلني مرة ثانية !!!

وبعدين يالغالية لو الوحدة هلكت نفسها عزايم وزيارات
تتصوري ماينعكس هذا على بيتها وزوجها واولادها !!!
وهي طول وقتها مستنفرة وتطبخ وتنفخ هذا غير المصاريف والإسراف اللي ماله داعي !!

صادقه أختي
أذكر نفسي قبل أحمل بأول سنتين كنت دايم أسوي عزايم وأمشي مع جمعات جيراننا وأهل زوجي كانوا دايم عندي او أنا عندهم وكنت أخذ عشائي مع عشاء أهل زوجي وكنا نتجمع وننبسط مع بعض وحتى لو مافيه جمعات كانوا خوات زوجي يعزمون علي صديقاتهم صحيح إني كنت أنحرج من الناس ألي أول مره أشوفهم وماأعرف طريقتهم لكن كنت جريئه بالكلام
كنا كل أسبوع عند وحده من جيراننا الله يذكر هذيك الأيام بخير
وكنت حريصه بالمره على نظافت بيتي لأن الزيارات تكون فجأه
لكن تغير كل شي ألحين والسبب إني مرضت بالسكري وكنت دايم أسمع تجريح وتحذيرات وكلام طالع نازل عني لدرجه أنهم يقولون أني أحسد وعيني حاره وحسبي الله ونعم الوكيل على ألي طلع عني هالكلام

وبعده كرهت الجمعات والطلعات وصار عندي رهاب أجتماعي
علشان كذا أفضل اني أجلس بالبيت وأهتم ببنتي وببيتي وبس
آسفه طولته عليكم وطلعت عن الموضوع لكن ألي أقصده انه بعض الحريم تكون عنده ظروف مثل المرض