علاقات الصداقه والتعارف بالغربه وش صار فيها

بصراحه ماكنت اتمنى اتعرض للمواقف هذي ولا اني انزل موضوع بالبؤس هذا
لكن اللي شفته مو شوي
من اول ماجيت هنا وانا اعاني من علاقاتي مع الحريم اللي هنا
طبعا عمري 24 سنه
وخبرتي بالحياة جدا متواضعه

اول ماجيت تعرفت على جماعه حريم عن طريق زوجي لانهم زوجات رجال يعرفهم

المهم استحوذت علي انسانه تدرس الدكتورها واستلمتني سب في صاحباتها فلانه فيها وعلانه فيها
وانا كنت ساكته بحكم اني جديده
مادري اللي تقوله صدق او كذب وسافرت هي بعد اسبوعين رحله علميه واتعرفت على بقية المجموعه اكثر
وعادي ماشيه الايام ومافي انسان خالي من العيوب
لكن رجعت هذيك الاولى وبحكم انها اكثر وحده قريبه من بيتي فكنت ازورها اكثر من الباقين
اكتشفت ان اللي تبغاه اننا نخدمها لوحدها بحكم انها وحده بدون زوجها
زوجي وافق بحدود المعقول
لكن هي انسانيه مادري كيف اوصفها بايعه الدنيا متحرره جدا في علاقاتها مع الرجال يعني جريئه بشكل حتى اغلب الرجال اللي هنا منتقدينها

المهم كانت معاي كويسه وانا كويسه برضو
بس تمادت في طلباتها حتى اذا طلعنا نتمشى انا وزوجي قالت خذوني انا اختكم
سافرنا مدينه اخرى وبنجلس كذا ليله قالت خذوني
انا كنت ارفض بذوق انه لا بنطول وماندري متى نرجع وهكذا

وطبعا اذا قلت لزوجي يقول ذي اكيد مجنونه

وياليتها تستحي اذا ركبت معانا بالسياره لا
تتغير وتصير كلامها مع زوجي وعن اوضاعه ونها مهتمه وتعطيه نصايح بدراسته
واستحملت الشي ذا

والحين متغيره
المهم انها تبغى تلعب فيني اتصل عليها وتطنش وتنهي المكالمه وتقول شوي وارجع اكلمك وهي ماترجع


اللي عرفته اني فيه وحده ثانيه جت وهي تخدمها اكثر مني لان الثانيه من نفس الطبقه المتحرره


وشي ثاني اني اذا سالت عن أي وحده من صاحباتنا اللي هنا تقوم تسبهم ماخلت وحده بحالها

والمواقف كثيررررررررررررررررررررررررررررره

المشكله اني استحي اسوي علاقات من حالي

وبرضو الجو العام اللي هنا اذا بتنفعيني راح اصاحبك
مابتنفعيني مالي فيك
تعبت والله
وبعض الاخوات يحبون يستحوذون على الكل ومايبغون احد يتعرف على الثاني
واذا حبيت اتعرف على احد يخربون ويسبونهم قدامي واكيد زي ماينقلون لي ينقلون علي
كنت اتوقع اني بالغربه بالاقي لي ناس اوادم اتعرف عليهم وتكون علاقتي فيهم قويه ونخدم بعض بدون مصالح ونخاف عى بعض
طلع بصراحه عالم غريب ومصالح
الله يهديهم بس
هذي جزء بسيط من معاناتي مع الي المفروض نكون اخوات


اشريكم بنات
احد صاير له كذا
وايش تنصحوني
من جد محبطه حتى زوجي تضايق ماهو فاهم شي زيي