علاقات محرمه 💔

السلام عليكم ورحمه الله وبركآته .
أسعد الله مسائكم بكل خير الله يجعلنا من عباده التوابين المتطهرين ❤️
حبيت أتكلم عن موضوع لفت انتباهي كثير في المنتدى ومستنكرته جداً من أغلب العضوات هداهم الله ،.
أولاً أنا مو صحابية ولا أزكي نفسي ولا أقول أني بدون ذنوب ولكن لعل أن يكون فيني خير حتى بس أطبق قوله تعالى ﴿ وَلْتَكُنْ مِنْكُمْ أُمَّةٌ يَدْعُونَ إِلَى الْخَيْرِ وَيَأْمُرُونَ بِالْمَعْرُوفِ وَيَنْهَوْنَ عَنِ الْمُنْكَرِ وَأُولَئِكَ هُمُ الْمُفْلِحُونَ ﴾
أنتشر في هذا الزمن العلاقات المحرمة ،،
عن طريق تويتر أو أنستقرام أو فيس بوك وغيرها من مواقع التواصل الأجتماعي ،
فصارت أغلب المواضيع الي تطرح هنا عن هذا الموضوع
والعذر عندها إن عندها مشاعر جياشه أو انها محتاجه إهتمام أو محتاجه تفضفض !!!
والمصيبة والأدهى إن العضوات يستعطفون معاها ولا ينكرون هذا الشئ عليها ولا يردعونها
يحاولون ينصحونها صح ما أقول لا لكن الأغلبية تكلمها وكأنها ما سوت شئ نهائي
قريت في إحدى المواضيع الله يهدي قلبها وينور طريقها ويأنس وحدتها ويرزقها بالزوج الصالح إنها تقول أنا اكلم ثلاث واحد طلع متزوج وتركته واثنين بقيت معاهم !!
يا الله قد إيش صرنا نتهاون في الذنب يا بنات الموضوع كبير إتقو الله يا تردعونها وتخوفونها من الله صحيح النصح يكون بأسلوب طيب ولكن محد ذكر لها في التعليقات انه يدخل فالزنا
(العين تزني وزناها النظر، والأذن تزني وزناها السمع، واليد تزني وزناها البطش )
إذا أنا عندي مشاعر جياشه وعندي أحلام ورديه ومحتاجه أي احد خلاص أقدم شهواتي وأوامري على أوامر الله !!!
هل هذا عذر لي عشان أزني أو افتعل علاقات محرمه لا سمح الله !!
فين عقولكم يا بنات فين 😔💔
أقسم بالله وأنا أقسمت إني شفت بنات كثير دخلو في هذا الطريق أقسم بالله جاتهم الحالات النفسيه جاهم الضيق تزوجو صح ولكن ربي أبتلاهم بأزواجهم وسلط عليهم أزواجهم
يا حبيبتي كلنا بشر وكلنا عندنا عواطف لكن لا نكون بهايم لا نرخص نفسنا وأنا أتكلم عن طريق الحرام
أنا نفسك يلي عندك مشاعر جياشه أو أي وحده تبغى تعيش قصه حب ماني مختلفه عنكم
لكن أغضب ربي وأروح في طريق حرام ما بخرج منه إلى بمصايب ولا اصبر واسأل الله العوض واسأل الله الزوج الصالح والذريه الطيبة ؟
انتي حطي أمر الله فوق كل شئ وضحي بشهوتك وعاطفتك والله من ترك شئ لله عوضه الله خير منه
الشيطان حريص بعد الدردشات بيكون فيه مكالمات وبعدها صور وبعدها مقابلات وبعدها إلى ان يصير فيك مصيبه بأسم الحب !
الله يأخذ ذا الحب الي بيدمرني ويغضب الله مني
يا بنات ورانا حساب والله بنتحاسب على كل ذنب ومعصيه عشان شباب والله وبالله وتالله ان الواحد فيهم عنده خمس بنات ولا عشر والله انه يحتقرك والله ما يحبك والله مستحيل يتزوجك ولو تزجوك ف ما بني على باطل فهو باطل !!!!
لان الزواج الي بأسم الحب نهايته معروفه
أسالكم بالله يا بنات أي وحده تجي تقول أنا اكلم ذكروها بالله وهذا شئ لا نتهاون فيه هذا شئ كبير أسال الله السلامة والهدايه لنا جميعاً ،،. ❤️