السلام عليكم ورحمة الله
كل عام وانتم بخير .. واعاده الله علينا وعليكم باليمن والبركات
في موضوع مضايقني عانيت منه شخصيا بعايلتي واشوفه
منتشر بكثير مجتمعات ..
شي يقهر ان ينفرض عليها تهتم باخوها بكل المراحل سواء
هو صغير او كبير .. اهتمام مبالغ فيه لحد بشع على حساب نفسها
حتى والبنت صغيرة عمرها ما يتجاوز عشر سنوات يفرض عليها
انها تهتم بإخوانها الذكور سواء كبار او الصغار .بامور اكبر من قدرتها
او امور يقدرون يعتمدون على انفسهم فيها
زي الناس الي يكلفونها تنظف وراهم !! او تهتم بالطفل الصغير
وتحط عينها عليه لا يصير فيه شيوهي اساسا طفلة فكيف
طفل يكون مسؤول مسؤولية كاملة عن طفل !!!!!!!
تكبر البنت ينفرض عليها تادي دور الزوجة المعنوي تشوف اخوها اكل
شرب وش صار عليه وش همومه !! ما كانه انسان بالغ يقدر يهتم بنفسه !!!!!
ما اقصد ان البنت المفروض تطنش اخوها
ولا تسال فيه بس ليش نطالبها باهتمام مبالغ فيه ؟
اكل وشرب وتنظيف وراه وشيل هم ؟ وليش نطالبها تهتم
بينما ما ينفرض على الاخ انه يهتم باخته وحاجاتها ويكون سند فعلا لها
في الحياة !!! سبحان الله حتى ماديا يفترض فيها تساعده وتعطيه
ما وراها ودونها بينما لو كانت البنت محتاجة محد يفرض على اخوها يهتم
فيها او يشيل مسؤوليتها !!
عنصرية مدري متى الله يفكنا منها !
- ELHAM - @elham_6
محررة ذهبية
يلزم عليك تسجيل الدخول أولًا لكتابة تعليق.
كلامك صحيح بس وين لسان البنت ماترفض وتصر على رفضها الأسلام ماامر بكذا وعشان هو يتسنع وربي مافيه افشل من عيال السعوديين عشانه بالأول معتمد على امه بعدين اخته بعدين على زوجته مجتمع غريب وفي ناس لامحترمين وكل واحد مسؤول عن نفسه بس الأغلب فاشلين ومعتمدين على خواتهم
الحمدالله نحن بعائلتنا ماعندنا العادة هذي والله يهدي الاهالي اتوقع هم السبب
واخوانا ماشاءالله طيبين وحابيب معنا
واخوانا ماشاءالله طيبين وحابيب معنا
الصفحة الأخيرة
من الي رباهم غير حريم ابوي و باقي الرجال كيف استطاعوا يحرقوا قلوب امهاتنا بزوجه ثانيه غير لما الزوجه الثانيه صارت
بلا ضمير وفرحة يوم زوجها من واحد متزوج والزوجه الاولى تبكي من الالم النفسي الي اصابها
وغيروا كثير
انا من وجهة نظري ان النساء اذا ما حطوا حد للرجال ماراح يكون للمراه كرامه لا اللحين ولا بكره