علاقة الجيران ببعض مثل الاهل ؟؟ هل مقبوله او لاء

السلام عليكم

حبيت استشيركم بموضوع لاني جدا مقهوره ومتوتره وزعلانه من امي

انا واهلي ساكنين بنفس العماره علاقتنا ببعض عادي الصبح لما زوجي بالدوام انا بنتهم بنزل وبتغدا معهم وابني بيلعب تحت ومن بعد الساعه 5 انا جارتهم خلص بسكر بابي وبيسكروا بابهم

في عنا جاره قديمه بالعماره هي قدي بالعمر بس كنت من يوم ما كنت عند اهلي لسا ما اتزوجت
علاقة هالجاره غريبه هيه واهلي

يعني بتدخل عند اهلي مرتين او 3 مرات باليوم
بتدخل بتفتح الثلاجه بتاخد الي بدها وبتطلع
امي موجوده مو موجوده بتدخل
ممكن تزعل تحرد من زوجها تجي تنام عنا
ممكن تستقبل ضيوف ببيت اهلي عادي
بتجي الساعه 3 الفجر بتفتح الباب وبتفوت عادي

صار موقف بينهم وبين اهلي وماراعت حق الجيره ولا الجيران الي عاملين مثل اهلها ابدا
قطعت اهلي 3 ايام وبعدين نادت امي وحكتلها قصه من الخيال لا يمكن باي عقل تصديقها
وامي بعد ما كانت متحلفه انو خلص رح ابهدلها واسمعها كلمتين في الصميم قامت وسكتكت وتعاطفت معها وسدقت


اليوم امي حكتلي !! قلتها بالعربي ضحكت عليكي انتصرت
حطيلها حد
قليلها نحنا مو اهلك عشان تفتحي وتفوتي عادي نحنا جيران
امي تقول لاء مابقدر اقاطعها وماحد قال قاطعيها قلنا حطي حد

يعني ابوي بياخد ابر انسولين بتلاقيه مكشف عن بطنه او زنده عم ياخد ابره بتدق دقه وع السريع بتفتح وبتفوت
وابوي بيتلبك
وبس امي تسافر بتصير بتلبس بها البطلونات وبتدخل لعند اهلي وعامله كانو اهلها
واخر مره من لما سكنت امي كانت مسافره واختي الصغيره بالبيت 15 سنه
دخلت الساعه 3 بالليل ومعها ضيوف عند اهلي وقالت لاخي كلام عيب ينقال قدام الضيوف وصارو يتفتلو بالبيت

اجمالا هي المره كانت صديقتي حسيت انو خلص كلشي فيها خبيث
واليوم امي زعلت مني لاني قلتها اختصروا العلاقه
وبالاخير قالتلي انتي بقلك تور بتقولي احلبوه
قلتلها لاء انتي الي بتقولي احلبوه وطلعت على بيتي وخلص ماعادي بدي اتدخل
انتو ايش رايكم بهيك جيران؟؟؟؟