علاقة اللبس بالعمر موضوع للنقاش حياكم

ؤ
مرحبا بنات





صراحه هذا الموضوع دايما يخطر ببالي هذا الموضوع اللي هو اللبس وعلاقته بالسن...

بس انتبهو انا ماقصدي السن الكبير يعني 50 ولا 60 هذه الاعمار معروف ستايلها... بس انا قصدي اللي بعمر الشباب

يعني من العشرين للاربعين... في رايكم اش الاختلاف بين هذه المراحل من ناحية الموضه في اللبس..

بالنسبه لي انا اكره اللي تكبر نفسها قبل الاوان وتقول مااقدر البس كذا وبنتي في طولي اش بيقولو الناس؟

وخير ان شالله واذا بنتك في طولك وانتي لسى شابه وحلوه ولايق عليك اللبس اللي اخترتيه...يعني جبتي بنتك بدري عشان تكبرك قبل الاوان؟!

خلي الناس يقولو اللي يقولوه...ماتشوفو الفنانات عجايز ويلبسو اللي يحلالهم ...شوفو هيفا وهبي لبسها لبس مراهقات واللي اكبر منها اخس منها...

بس ماادري في الاونه الاخيره بدات اتأثر وصرت لمن البس شي اقول عسى مايقولو هذه في الثلاثينيات وشوف اش لابسه :42:

بس في النهايه البسه مع اني الحمدلله شكلي اصغر من سني وجسمي حلو بس المجتمع لازم يترك اثره في نفس الانسان..

اقربها البارح روحت نكست واشتريت التنوره اللي تجي مني جيب كلوش وتحتها استرتش برمودا...

من يوم طلعت هذه الموضه وانا ميته عليها بس الله مااراد اني اشتريها الا امس... وبدات الهواجس تشتغل ياترى اش بيقولو الناس...

قلت الله بعد ماكنت انا اعارض الحريم اللي يعجزو بنفسهم قبل الاوان بدات اصير زيهم!!


بس قلت مالي الا اسدح الموضوع عند بنات حوا ونشوف اش يقولو بس ترى كذا كذا انا بلبس التنوره الكلوش وبتمتع بعمري قبل الاربعين :icon28:

الا صحيح التنوره هذه احس موضتها ماتروح لها كم سنه ولسى شغاله ولا اش رايكم.....

عموما الموضوع مطروح للنقاش الراقي ياللى كل وحده تعطينا رايها بس بدون تحطيم واللي لسى صغيره ترى بتكبر مافي احد يقعد صغير يعني قدمو السبت تلاقو الاحد..<<< شكلي بدات اخبط في الحلل تراني مواصله والتركيز الله بالخير..

المهم خشو في الموضوع انتظركم