علاقة امي وابوي .. تعبت 😭💔

مساء /صباح الخير يا حوائيات ..
بدخل بالموضوع على طول ..
لكن قبلها ما احلل اي شخص ينقل الموضوع لموقع من مواقع التواصل ..
بنات ابغى حلول عقلانية لان مخي وقف ولا عاد عندي حلول ..
انا بنت عمري ٢٤ سنة .. مشكلتي باختصار .. هي علاقة امي وابوي .. مع الاسف علاقتهم مع بعضهم سيئة جداً .. ما يحكون مع بعض الا في ما ندر ..
مجرد سلام ورد السلام لا اكثر .. هذا الوضع صار له سنة تقريباً .. وانا جد تعبت من هالوضع ..
لان الوضع بالبيت مو طبيعي .. صار لنا سنة ما اجتمعنا كلنا مع بعض ع وجبة غدا مثلاً .. ان جلس ابوي قامت امي .. اذا كنا جالسين مع امي ونتقهوى ودخل ابوي قامت امي من المكان .. وقيسوا على ذلك اي أمر آخر ..
كل واحد ينام بغرفة .. والبيت كله حاس ان الوضع مكهرب .. لكن الامر اصبح لا يطاق !!!
طيب احنا وش ذنبنا بمشاكلهم ؟ كل بيت فيه مشاكل صحيح .. لكن زمان كان خلال اسبوع يرجع الوضع طبيعي .. اما الان انقضت سنة والوضع سيءء جداً .. والمصيبة انهم مستمرين بحياتهم بشكل طبيعي جداً لكن واضح ان فيه خلاف !! انا اللي كاسر ظهري ان امي تتفشخر قدام خالاتي بانها تعامل ابوي كأنه هو والجدار واحد .. يا بنات مهما كان يبقى هذا ابوي لو وش سوى ولو وش عيوبه !! ابوي انسان صبور جداً وهذا واضح من تعامله معها .. امي ما تتكلم عنه وانا جالسة لانها تدري اني بطربق الدنيا ! وانا متاكده ان لولا وجودنا كان انفصلوا من زمان .. نقطه اخيره مستحيل أكلم امي بالموضوع لانها عصبية مرة فما اقدر افتح معها هالموضوع ... وش الحل يا بنات ارشدوني لان فعلاً ما عندي حلول .. كيف اصلح بينهم ؟ اتمنى يستقر وضع بيتنا ويهدأ الجو المكهرب اللي اتعبني مرررة !
بانتظار ردودكم الله يسعدكم بنات