علاقة خطيره بين السبرنغ رول والمطبق ؟!!

السلام عليكم ورحمة الله وبركاته ,,,

سويت مطبق بالخضار طبعا في البيت ..يعني صنع ايديا وحياة عينيا ..
استخدمت عجينة السبرنغ رول وهذا شكله ,,,:32:



هااا شرايكم ,,؟؟

المقادير :

عجينة السبرنغ رول جاهزه من السوبر ماركت

شوي طحين مع ماي علشان نسكر اطراف العجينه ماتنفتح

الخلطه :بيض / نفرم (طماطم,بصل اخضر,بقدونس ,كزبرة ) / ملح ,فلفل اسود,كمون

نخلط مقادير الخلطه مع بعض انا اسويها جامده مع بعضها يعني مايكون بيض كثير ..

ابدا احشي العجينه احط كميه من الخلطه بوسطها واطبقها على بعض واحط على الاطراف عجينة علشان تمسك ماتفتح معاي .

لين تخلص الكميه ..ادهن الطابي بزيت شوي وابدي احمر العجينه لحد ماتستوي

وهذا شكلها من قريب ..




وهذا شكلها من الداخل ..



اتمنى تعجبكم الطريقه سهله وسريعه ومقرمشه :)

وممكن تسوينها مع لحم اذا تحبين ..وبالعااافيه
مع تحياااااتي