أختي أنا ماأدري عن العصير لكن الماء كانت أمي تمنعني من شربه أيام نفاسي وبالقوة على بال ماتخليني أشرب كاسة باليوم ودافي بعد وتقولي هو اللي يطلع الكرش وهي ماشاء الله جابت 12نفر (أخواني وأخواتي) ومالها أثر الكرش لدرجة ملابسها كنت ألبسها وأنا في المتوسط وكنت نحيفة بالحيل ووزني بالثلاثينات وتجي الملابس ضيقة علي وتقول إذا شافتني عطشانة إشربي قهوة قشر وكانت تعملها لي وتحطها عند راسي كل ماعطشت أعطتني قشر وتقول إن القشر ماكانوا يستغنون عنه أبد ليل ونهار وتقول نطلع من النفاس ما فينا أثر الكرش وين راااااااااااااااااااحت ؟؟؟ مع القشر. بالرغم إن الدكتورة تقول الماء ماله دخل بأيام النفاس لكن إسأل مجرب ولا تسأل طبيب.
طولتها وهي قصيرة لكن حبيت أفيدك لله وفي الله

شكرا ياقلبي ابي امصخها شوي
وش هو القشر تراني مااعرفه

القشر هذا هو قشر القهوةاليماني وينباع عند العطارين واذا تعرفين ناس يمانيين إطلبيهم لأنه يكون أضمن .
واعملي ابريق فيه ماء وحطي معاه زنجبيل أخضر وخليه يغلي حطي عيدان قرفة وملعقتين قشر مطحون لمدة دقيقة واحدة تقريبا لاتزيدين وبعدين طفي النار واشربي على رواقة وكل ناس لهم طريقتهم وكل الطرق تؤدي إلى روما.
وبامكانك تحليه وأنا كنت أحليه يعني أعمل فيه سكر مثل الشاي . وأمي كانت تحليه أيضا.

الله يجزاك خير

طبيعي الوحده تكون عطشانه بعد الرضاعه .....والماء ضروري للجسم