علاقتك بطفلك خاصة لو حب يلعب برا البيت، تقدري تسيطري عليه؟

هلا وغلا خواتي،،،،

حبيت اسألكم، بهالصيف والحرارة المرتفعة، وين تودون عيالكم عشان يلعبون ويقضون اجازتهم
ووقت فراغهم، هل تخلونهم يلعبون بالشارع القريب من بيوتكم، او تفضلون انهم يطلعو مع اصدقاءهم يروحون المراكز التجارية والمولات، طيب وايام المدارس كيف تنظمون وقت اللعب والمذاكرة، يعني هل تقدري تسيطري على ابنك الي بعده صغير مادخل الأول الابتدائي او سهل اكثر تسيطري على ابنك الثاني الي بالمتوسطة، ودي اعرف كيف هالامهات قادرات يضبطون عيالهم، بالحنان والتفاهم او بالشدة والتهديد؟ صديقتي متجننة من عيالها، ماشاالله عندها 3 اولاد وبنتين، اولادها اعمارهم 13 و7 و 3،اما البنات فأعمارهم 5 و10. البنات والأولاد كلهم يا يلعبون بالشارع او ف بيت الجيران، وهي يحليلها تعبانة من كثر الحمل والخلفة والتربية وزوجها على طول مشغول.. ياربي وش السواة مع عيال كل حياتهم لعب..! احترت وماعرفت كيف انصحها وانا ماعندي خبرة، عندي ولد واحد ربي يحفظه عمره سنة وبدري عليه سوالف اللعب برا البيت،، وش تقترحون عليها، ودي اساعدها لأني فعلا شفقانة عليها، وكيف قادرين تسيطرون على عيالكم، ربي يحفظهم لكم..