علاقتي باختي

السلام عليكم
ياناس ابغى من يرشدني
انا واختي اللي اصغر مني علاقتنا كانت جداً قوية روح بجسدين
اللي صار انها انخطبت اختي وانا طبيعي قلت لها وافقي مع ان كنت حزينه بسبب نظرات الناس اللي عارفه ماراح تخليني وهي وافقت، بهذيك الفتره شلت بخاطري عليها كنت اتوقع موقف منها وانها ماراح تسمح تحطني بمواقف صعبة عشان زوج بس كنت اتجاهل شعوري وساعدتها بالتجهيز وكل ماحصل موقف من الناس ضايقني بسبب هالموضوع اشيل بخاطري عليها مو بكيفي وانا راضيه باللي كاتبه لي ربي وعارفه انه نصيب وادعيلها بسجودي بالتوفيق واذا تخيلت ممكن هالزوج يضايقها اخاف عليها لكن مجروحة منها كنت اتوقع موقف ثاني منها خصوصاً اذا سمعت بمواقف بنات مروا بنفس اللي مرينا فيه ومارضت على اختها وبعد زواجها اختي تغيرت صارت تحس بتأنيب ضمير تجاهي وماتقدر تحط عينها بعيني انبنى بيننا حاجز وماتسولف علي مراعاة لمشاعري وانا فاقدة اختي كيف ارد العلاقة مثل قبل واحسن