علاقتي بزوجي سارت رسمي مره بعد ما كانت من احس ما يكون

السلام عليكم

قصتي يا بنات
علاقتي بزوجي كانت رائعه بمعنى الكلمه نضحك مع بعض ومبسوطين دائما
لين ما سارت لي مشاكل مع اهله وسرت ارفض زيارتهم وهم الا يبغوني اجي ازورهم ولمن ما اجي يحرشونه علي

وطبعا زوجي واجهته ببعض من اغلاطه قبل شهرين تقريبا بعدها من جد من جد سرنا رسمي
يا بنات في التلفون يكلمني عادي وفي الواتس كمان عادي

يدخل البيت ما نكلم بعض كانه ما يعرفني وسار ما يخرجني يتركني في البيت ويروح بره يتمشى لحاله خاصه في الويكند

والمشكله انه جاني سكر حمل صحيح يشيل همي ويحاول يراعي نفسيتي

بس كاني جدار ما يكلمني وما يطلبني للفراش الان لي شهرين ماعرف عن زوجي شي تخيلوا

زمان كان يحكيني كل شي في دوامه يوميا الان سار بينا حاجز حتى اذا سار يضحك مع ولدي وجيت كلمته يكشر بوجهه

بس عادي ما يقل ادبه ويرد عادي بس الضحكه تختفي

مرات احسه يبغانا نرجع زي زمان ولكن مرات لا احسه مرتاح كدا

انا حاولت كثير اضحك معاه واتكلم معاه يطنشني

وفي التلفون عادي نتكلم ونقول كل شي

وفي الواتس كمان عادي يكلمني ويقولي انتبهي لنفسك

ايش معنى وجهه لوجه مره كاني مع رجال ثاني


زوجي ما كان كذا كانت علاقتنا مره ممتازه حتى في البيت

الان تغير الوضع مره ماعرف ايش سار
وانا متزوجه من 2 ونص