علاقتي بزوجي واهلي واهله

متزوجه من اكثر من ١٠ سنين وعلاقتي في زوجي مشتته وسيئه كل ماجينا نقرب من بعض يبعدونه اهله وكبرت المشاكل بيني وبين اهله لاهم طايقيني ولا انا طايقتهم وكمان كبرت المشاكل بين اهلي وزوجي لانهم يشوفون تصرفات زوجي واهله معاي وزوجي ماعاد يبي سيرتهم وهم بعد مايبون حتى الزياره يزورهم ...اول سنه زواج كانت علاقتنا جدا جميله وزوجي نسي كل اللي حوله ماعاد يشوف غيري واهله تضايقو وامه واخواته كرهوني وسوو المستحيل وغيروه ...اللحين انا كل يوم ابكي وافكر بالطلاق من اسلوبه المتناقض مغرقني بالفلوس مو مقصر علي بشي ويخاف على زعلي احيانا ويحلف انه يحبني وبس نحتك في بعض ونجلس سوى يبدا يسب في اهلي ويقول انهم مايستاهلون ويتمنى ارحام غيرهم وانه مستحيل يفكر يروح لهم وانا ماقدر اسكت واذكره في اللي سووه اهله فيني وفعلا ظلم اهله لي ومشاكلهم ماتسوى مع علاقته مع اهلي كل اللي صار انه تصرف اهلي معاه ردة فعل على ظلمه هو واهله لي ....وغير كذا يروح لاهله يتكلم فيني ويقولهم اني ادبتها وسويت وسويت فيها وكأنه يفرد عضلاته وبعد اذا جلسنا معاهم يسفهني لابعد حد يعني شوفوني ماعطيها وجه ...كل يوم علاقتي تصير اسوء معاه ...كلمته مره مرتين ثلاث مافيه فايده اللحين اقنعته نسافر ونبعد فتره عن اهلي واهله عشان النفوس تصفى مامدانا نجلس كم يوم اهلي اتصلو يدعون لي ويتمنون لنا الخير واهله اتصلو يقولون ارجع ولاتجلس يوم زياده لاننا محتاجينك وفعلا بكره راجعين ....مع انهم مو محتاجين زوجي ابدا عندهم سواق واولادهم ثلاث معاهم بنفس العماره ...لاتقولون ليش تقولين لاهلك على اللي يصير انا رحت لهم زعلانه وعلى وشك طلاق وقلت لهم على كل اللي سووه فيني هو واهله وبعد كم شهر تصالحنا ورجعت..ومن وقتها اهلي كرهو حتى اسمه واهله مايبون سيرتي ..