علاقتي في زوجي وبيتي غريبه ! ياليتني ماتزوجت

سلام عليكم ورحمة الله ..
انا متزوجه من 3 سنوات وعلاقتب مع زوجي جيده الحمدلله بي المشكله كل ما ادخل بيتي احس كانه جبل على صدري واتضايق اصير بس ابي اطلع منه ومخنوووقه ومكتئبه وبالقوه ادف نفسي عشان اشتغل وانظف واطبخ وبصراحه شقتي اصلا صغيييره جدا بمنور
وكنت بداية الزواج ابكي بدون سبب بس احس بضيق وانهاااار وكان يسكتني ويهديني واذا طلعنا برا البيت ارتاح الشي هذا استمر معاي الى اليوم حتى علاقتي بالله ضعيييييفه جدا في بيتي بس اذا رحت لاهلي تكون علاقتي مع الله سبحانه افضل واصلي بوقتها واستغفر واذكار وتسبيح وشخصيتي تصير افضل ماعدا الاكتئاب ملازمني على طووول
وبس مشاكل من اسباب تااااافهه جدا وبعدين نرضى ونقول هذا الشيطان خرب بينا وفجأه بنفس اللحظه نرجع نتمشكل وهكذا !!!! واذا رضينا نندم على كل الزعل
وجبت طفلتي قبل عدة اشهر وكان وضعي تمام لحد ماخلصت النفاس وعلى جيت زوجي لي بدأت انزف وانا كنت جاهله حتى خبصت بصيام رمضان مره اقول دوره ومره اقول نفاس ومره اقول نزيف و مو راضي يوقف مع حبوب منع الحمل ابدا ورحت معاه البيت وبعد شهر من النزيف وقف ورحت لاهلي عشان العيد وقعدت عندهم فتره وجا زوجي بياخذني ونفس الشي رجع النزيف وهو ولا حتى لمسني والحين النزيف معاي من شهر واخذ الحبوب حق منع الحمل ولا وقفت والدكتوره تقول كل شي سليم مدري وش المشكله !! مرتين تجيني بنفس اليوم اللي يجيني فيه ابدأ انزف !!
وعندي مشكله ثانيه اكره بيت اهل زوجي تجيني ضيقه منه اول مادخل للحارة واصير على اعصابي ولا ابي اطول عندهم واذا طلعت يبدأ معاي الاكتئاب مره طلعت من عندهم قال زوجي نتمشى قلت مالي نفس وانا قبل اجيهم كنت مخططه معاه
وعلى فكره زوجي جدااا عادي بس جدا طيب وشخصيته حلوه وكثير بنات مجهولات يحاولون يتقربون منه ويخربون بينا فجأه تجيه رسايل من الواتس ابتعرف عليك والا غصب ولا مره مكالمه وحده تقول اعرفك واعرف اهلك وعددت اسماهم وتبغى تتعرف ووحده طلعت عشانه رقم خاص وحاطه صورته بالعرض في الواتس وحتى هو مصدوم مايدري وش قصتهم
المهم ماعرف وش اللي صاير لي احترت في امري مره اقول عين او حسد او سحر او انا ابالغ وحساسه او شي نفسي ماعرف والله
وانا بعد الزواج مرضت بالقولون العصبي والضغط المرتفع والمنخفض وعمري 25 سنة