السلام عليكم ورحمة الله وبركاته
اخو زوجي تزوج وفرحت قلت بتصير لي وحده اخت
ازورها وتزورني واخليها بعد الزواج شهرين وازورها بهديه وحلا وقهوه وشاي ياخساره طلعت ماتستاهل احتري الزياره اعزم ماتجي مااشوفها الا في المناسبات والاعياد حملت ماشفتها الا في عيدين
عند اهل زوجي تجيهم وتتعشى عندهم وتطلع ماينادوني وانا ساكنه فوقهم للأسف المهم ولدت جابت ولد بعد ولادتها بثلاثه ايام امي تعبت تعب شديد يتطلب مني مرافقتها 24 ساعه سكنت عندها ياعمري عليها الله يشفيها الحمدلله الحين حالتها مستقره قلت مااقدر اروح ازورها بأكلمها تلفون ابارك لها اتصلت عليها سلمت وباركت واعتذرت امي تعبانه المشكله كلامها عسل عادي انتي اخت عزيزه وغاليه وقفلت المكالمه ومر تقريبا 20 يوم وخفت امي ورجعت البيت وسمعت من خالتي ام زوجي ان البنت رجعت بيتها هي ولدها شاورت زوجي وش رايك ازورها بكره قال جهزي نفسك وانزل السوق واشتري ملابس مولود وهدايا واتصل عليها تشوف رقمي ماترد تركتها
ومر الوقت ولا رجعت تدق الا من بكره تصوروا سلمت وانا اقولها وينك صح النوم تتعذر اعذار غبيه معليش والله الولد صياح مانومني قلت ايه كنت باجيك امس قالت هاه انا رجعت بيت اهلي الولد صياح ولاحظوا العذر الثاني يضحك اشوي خالاتي وعماتي مجتمين وباقعد معهم متى مارجعت البيت ادق عليك تجين حياك الله المهم شوفوا بعد وشصار اللي خلاني انقهر منها عصبتني اليوم اللي بعده وانا عند اهلي دقت علي اخت زوجي سلمت انتي في بيتك انزلي عندنا زوجة فلان هي وولدها اذا تبين تشوفينهم قلت لا انا عند اهلي وقفلت بس يابنات تحسون انهم متفقين معها خليها تجي تشوفك عندنا احسن ماتجيك في البيت اتوقع ترى على فكره ام زوجي ماتحب السلايف يجتمعوا لوحدهم واذا اجتمعنا ياويلنا ماعاد تطيق تكلمنا طبعا فيه زوجة اخوه الكبير بس بمنطقه ثانيه المهم ماعلينا بعدها مرت الايام ونزلت عند خالتي ام زوجي ليش ماتروحين لفلانه
قلت كلمتها واعتذرت انا عند اهلي اذا رجعت بيتي اناديك ولا عاد اتصلت قالت اخت زوجي اتصلي عليها باابتسامه خفيفه صديت العب ولدي ولارديت عليها المهم تتوقعون متى شفتها هي وولدها في عيد الفطر هههه عمر الولد اتوقع اربعه شهور للأسف تسلم وتضحك وانا كنت حامل بالسادس وتقول شكل اللي في بطنها بنت اعرف شكل البطن المهم قلت لزوجي شكلها البنت تبغى العلاقه رسميه اذا تقابلنا سلام وسوالف واذا تفارقنا كل واحد في حاله قال عامليها كذا قلت اصلا انا في نفاسها باسوي الواجب بس المهم اذكر اني قلت له اذكرك اذا ولدت ماراح ترفع التلفون تكلمني قال نشوف
ومرت الشهور وولدت والحمدلله جبت ولد كل الاقارب اتصلوا يباركون البعيدين وسلفتي اللي في منطقه ثانيه واللي جاني بعد وهي كانها ماعندها خبر طنشت وقلت انا عارفه طبعها طز فيها المهم رجعت بيتي وانا لي 23 يوم اكمل الاربعين وتجي عند اهل زوجي ولاتمر علي وانا ساكنه فوق تحسونه قلة ذوق ومر شهرين وتقابلنا في خطبة اخت زوجي تصدقون ماباركت لي ساكته ولا شالت الولد غريبه هالانسانه ماعلينا المهم نلعب حبشه انا وياها بعدها حملت هي جابت بنت قبل عيد الاضحى باربعة ايام طنشتها ماتصلت او مااهتميت بالاصح ليش اهتم لامر انسانه ماتهتم لي ليش افرض نفسي على الناس المهم في العيد خالتي مادقيتي على فلانه تباركين لها والله عارفه ان الحق معي بس تبي تدور كلام وقيل وقال بس انا اذكى منها لا ماعندي رقمها هذه سلفتك على الاقل كلميه تلفون احرجتني كنها تقول انتي مقصره معها وتنادي يابنات هاتوا رقم فلانه وانا اقولها بعدين بعدين مو ضروري ترى واغير السالفه وتسكت ومرت اسبوعين وتقول لزوجي زوجتك ليش ماتروح لفلانه هي مش ناويه تزورها ولا كيف قال مدري اسأليها احرجتني امه هذه علاقاتي الاجتماعيه وانا حره الحين مدري وش اقول لخالتي احرجتني كل وحده فيكم يابنات تحط نفسها بمكاني وش ردة فعلك من وحده ماتجيك لاتعزمك ولاحتى تسأل فيك ولاتبارك لك في مناسباتك تهتمين لامره ولا طنش معي حق يابنات ردوا علي
مداد الود @mdad_alod
محررة
يلزم عليك تسجيل الدخول أولًا لكتابة تعليق.
انا باقولك لاني عيش نفس معناتك اذا كلمتك ام زوجك قولي لها ليش ماقلتي لها تكلمني يوم ولدت ولاتشوفين بعين وحده وبس وما عليك منها الحين انا طنشت الي حاقرني باحقره
انا اشوف ان مافيها مشكله ... انتي تقومين بالواجب ماشاءالله علييك .. اما سلفتك ماتهتم ... تعاملي معها بالرسايل ... وطنشي ............. والله في هالدنيا ان تقربتي من القريب لدغك ....
انا اشوف ان مافيها مشكله ... انتي تقومين بالواجب ماشاءالله علييك .. اما سلفتك ماتهتم ... تعاملي معها بالرسايل ... وطنشي ............. والله في هالدنيا ان تقربتي من القريب لدغك ....انا اشوف ان مافيها مشكله ... انتي تقومين بالواجب ماشاءالله علييك .. اما سلفتك ماتهتم ... تعاملي...
اتوقع حتى رقمي حاذفته من القائمه مابينا اتصالات
الصفحة الأخيرة
ولا تلومينها بالوقت هذا ما ترتاح الوحده من الناس الا اذ عاملتهم كذا
وانا مجربه الشي ندمت اني طيحت الميانه مع بعض الحريم والحين مرتاحه اذا قابلتهم اسلم واسولف معاهم وبس
وتذكري دايم ان كل شخص له طبع وما تقدرين تغيرنه