علاقتي مع مدربة

السلام عليكم ..

انا سجلت في نادي بشوال لمدة ثلاث شهور وكانت أول تجربه لي والنادي في الحي عندنا ..عسل البنات اللي ع الريسبشن والبنات والمدربات وكله ... المهم اخترت بعد المغرب وتعرفت ع وحده بشوال جات هي ومعها بنتها بالثانوي ..المهم هذي غيابها زي المطر وتجي متأخره ..حسيت بغربه لأن مالي صديقه غيرها والكل متصاحبات وتحسوا مايبغوا الا كل وحده مع اللي متعرفه عليها ..وهذا غير كل ثنتين أو ثلاث جماعه مدري أقارب يجون سوا مع بعضهم ويجلسون جنب بعض ومع بعضهم يسولفون ..المهم كانت ماسكتنا مدربة اتعب اقول لكم مثالية وطيبه وكله ..جلست معنا شهر وبعد الشهر قالت عندي ظرف راح اترككم ..وبجيب لكم صديقتي وكلمتها وحتى يوم اتصلت عليها قدامنا ..والشاهد جاتنا وحده مو صديقتها وانما وحده ثانيه ومن حي بعيد عنا ..المهم البنات من قالت مدربتنا راح اترككم هربوا اللي بالمجموعه مع الصباح واللي عصر ولا جلس إلا أنا واربع بنات وكم وحده من مجموعه العصر يحضرون معنا حسيت بغصه وغربه شديدة من كون مدربتنا راحت والبنات راحت واختلف عليا كل شي وتقدرون تقولون كل نفسية صابتني أو اكتئاب ..والمدربة الجديدة اختلف طريقتها معنا عن اللي قبلها والتمارين وكله وحتى متحرره مو زي اللي قبلها محافظه ..والمهم ما ادري وش صار لي صرت متعلقه بالمدربه اول البدايات جبت معي قهوه وتقهوينا عند مكتبها وجلست تسولف معي ومع بنت تحكينا قصص مأساوية لنادي كانت تدرب فيه في الحي عندها اللي معنفات من رجالهم واللي واللي قصص كثيرة ..المهم صرت اجلس معها بالمكتب ومرات استفسر منها ع التمارين ومره جبت له هديه عباره عن فواحات ثنتين وبعد فتره هديه كوب قهوه مع صحنه وبعد فتره حطيت لها من زعتر اخوي جابه من الاردن ..وقبل يخلص اشتراكي جبت لها طقم شرشف ومعه قران ومصحف ..فخم في صندوق وفرحت وحضنتني ..وهي جابت لي هدايا كمان .المهم خلص اشتراكي وودعنا بعض وهي قالت اخلص اشتراكك تعالي بعد شهرين او ثلاث بما انك ساكنه بنفس الحي بالنادي ..والمهم تبادلنا الحسابات بالسناب والانستقرام ..والمهم حسيت بحزن وهي زيي ونتواصل سناب والدردشه واشتقت لك ووحشتيني وووو وانا بتمشى حدود اسبوعين وقلت ع الاسبوع الثاني خلاص لازم اشوفها بالنادي مره تقولوا كن فتره طويلة غائبين عن بعض والمهم قلت لها نهار ابغى اجي النادي اشوفك وهو ممنوع خلص اشتراكك لا ..المهم هي تعرف النظام وقالت خلينا نلتقي بكوفي اذا يناسبك وقلت لها خلي ع قدام نحدد والشاهد انشغلت ورحت تمشيت ورجعت وانعزمنا بزواج وصرت اقول ايام النادي مايمديها والجمعه والسبت فسحتها مع عيالها وكذا وسكت عن الموضوع وهي سكتت وهي من النوع شديدة النسيان ..المهم من دخل الاسبوع الرابع قلت لها اخر يوم بالاسبوع بجي وبجدد اشتراكي وبسلم عليك وبسافر وبعد اسبوعين اجي ..المهم اليوم رحت وجددت الاشتراك وسلمت عليها بحراره استقبلتني وجلست قليل وعطيتها كيس صغير فيه حاجات وهي اعطتني كيس صغير فيه حاجه وقلت بعد اسبوعين اجي وسلمنا ع بعض ..وما سمعتها كويس اول ماجلست معها قالت بتجيب صديقتها مدربة بديله عنها عاد ما اعرف هل قصدها نهايه ذا الشهر اخر شي لها أو قصدها الشهر اللي بعده ..الله اعلم مافهمت الهرجه اصلا ..
ششوروا علي يابنات كيف اخفف من تعلقي بها