علامات توقف نبض الجنين ,, عشان نطمن

لاتفكرين ولاتوسوسين ابد توكلي على الحي القيوم ترى التفكير يتعب انا كنت نفسك وكل شوي اقول توقف النبض تعبت وتعبت من حولي لين ماتوكلت على الله وتيقنت ان اللي كاتبة ربي بيصير سواء فكرت ولا مافكرت وصرت استودع الله جنيني ونفسي واذا جيت بافكر اشغلت نفسي .. على العموم العلامات هي افرازات دموية او بنية وانقطاع الوحم .. انا كان يجيني ايام ماأحس بالوحم وصرت اقول بس توقف النبض اجلس كم يوم او اسبوع وبعدين يرجع لذلك ريحة راسي بالمرة والله انصحك من قلب ومابيك تمرين باللي مريت فية من تعب وارهاق لنفسيتي

ذبحتنا الوساويس ودي اشيلها من راسي تجي غصب اعوذ بالله
ماعندي علم والله كل ماجتني هالوساويس تعوذت من ابليس واقول توكلت على الله ولن يصيبنا الا ماكتب الله لنا وارتاح موسوسه في حركه البيبي اذا طول ماتحرك اشتغلت الوسوسه عسى ماصار له شيواذا تحرك تطمنت <<< خبال
مع اني بالسابع وكل شي تمام ولله الحمد بس ابليس الله يكفينا شره بس
مالنا الا الدعاء لله سبحانه ييسر لنا امرنا ويتمم لنا على خير ويسهل علينا ياكريم

توي اجهضت من يومين توقف نبض الجنين من غير اي اعراض او سبب الله يعوضني خير كنت اوسوس واقرا
عنه وياليتني ماوسوست
كله مقدر ومكتوب جاني زي الشد بسره وقريت لوحده انه جاها ووقف النبض
وكنت خايفه لما حسيت بشد ماكان عندي اي نزيف او الم سبحان الله كنت فرحانه بثبات حملي يارب عوضني خير ولا يفجع احد يارب
كنت استخدم اسبرين ومثبت وسمعت النبض بلاسبوع السابع رحت اراجع بلاسبوع العاشر ومع الاسف سمعت الخبر وانصدمت
الله يتمم لك حملك

انا اجهضت 4 مرات واحده كيس دون جنين والباقي توقف نبض


ماحسيت بشي الا الوحم اختفى ونزول افرازت بنيه
ومره سخنت وشيكت قالت مافي نبض


الله لايذوقه لاحد شعور لما تسمعي النبض وشوي تحط للجهاز مافي الا صوت صدا بطنك

انا نفس قصتك رباب
اه من الاجهاض بس
لما توقف نبض الجنين بأجهاضي الاول نزل نقطة دم وعرفت
اما بحملي الاخير سبحان الله ماكنت احس بأي شي ابد ولانزل علي دم ولاشي ورحت اخر الثالث لموعدي قالو مافي نبض اه من ذا الشعور خاصه اذا سمعتي نبضه من قبل
صارله عشر ايام متوفي ولاكنت ادري
انتي لاتوسوسين روحي مواعيدك واذا حسيتي بألم روحي المستشفى
وادعيلي ربي يعوضني 😔