حبيباتي الله يتمم حملكن على خخثير ويقيمكم بالسلامه ياااارب
بالنسبه لي انا بالبدايه جاني الاااام باظهر واسفل البطن وماكنت بقدر اجلس عالاض لازم عالكنبه او كرس وكنت بحس بالم بجهة الكلى كل هاذا صار لمدة يوم او يوم ونص واليوم الثاني نزل مني افرازات مخلوطه بماده بنيه وبدا الطلق ورحة مستوصف قريب قالو الرحم مفتوح واحد او اثنين سانتي موفاكره وقالت الدكتوره امشي واشرب خروع ورجعت البيت وطبعا كنت عند والدتي الله يحفظها وظلت تتابع الطلق ولمن صار الطلق متقارب رحت المستشفى الي بولد فيها
فأنا بنصحكم اذا حسيتم بالام اشد من الام الدوره او نزل منكم دم او ماء او حسيتم باي شي غريب بالاول روحو اي مستسفى او مستوصف او عياده وافحصو وشوفو كم الرحم مفتوح واذا كان مفتوح شوي استنو الين ماتحسو ان الطلق بدا بتقارب وروحو المستشفى الي حتولودو فيها بس انتبهو اذا كنتم بتحسو بالام عاديه زي الام الدوره ماتفحصو الرحم مفتوح وله لاء لان بعد هالفحص اذا كان الرحم مو مفتوح حينفتح وحتقرب الولاده
الله يسهل عليكم ويقومكم بالسلامه

جزاكم الله خير كل من دعت وكل من أفادت ،،محتاجة ردود أكثر ،،،سبحان الله سيمو نفس الحالة تماما الله ييسر لنا ولكل حامل ساعة طيبة ياااارب

والله ماعرفت احدد اذا فاتح الرحم او لا الا بالكشف وع قولتك ما تبغي جلسة المستشفى ولا تتوهقي وتولدي بالسياره

هذا الي ذبحنا الرحم مفتوح ولا يارب تأجرنا وترحمنا وتيسسسر لنا ولكل مسلمه نسأل الله الكريم عونا من عنده 🌸💐

اتذكر خالتي تقول كنت افحص نفسي اذا حست بالولادة وتدخل يدها بنفسها وتشوف كم الرحم مفتوح بنفس طريقة المستشفى .


وهي تولد بالبيت ماعندهم مستشفيات ولاتجيزات طبيه ,, لازم تتصرف بنفسها ولامافي احد يتابعها الا القابلة اللي راح تناديها من بيتها حسب كم الرحم فتح .


هذي الطريقة الوحيده والمضمونه لمعرفة قرب وقت الولادة .


حتى المويه والسداده اذا طلعت مو معناه ولادة مباشرة . انا فتحت المويه علي وجلست حوالي يومين لين ولدت..


مافي الا انكم تراجو اقرب مستوصف مو المستشفى .. اذا فعلا الرحم مفتوح وتابعو الطلق بجهاز قياس الطلق وحامي شوفي تقديرك لحالك واطلعي على مسؤوليتك وقتها للمستشفى .


الله يسهل علينا وعلى الجميع .