سلام ياأموووورات حواء
أدري إني مقصرة كثير في قسمي الحبيب قسم الأعمال الفنية ..إنتو ماتتخيلو قد إيش أعشق هالقسم وهو من أكثر الأقسام إللي أنا متيمة فيها..سامحوني ..بس كل ماحغيب عنكم..حعوضكم بعمل حلو يعجبكم..
وعمل اليوم مو حلو وبس إلا راح يخلي لعابكم يسيل كمان..
خلوني أعطيكم مقدمة بسيييطة عن العمل وهو عبارة عن علبة حلوووة لتقديم الشوكولاتة وهي مزينة بحبات الشوكولاتة(الزينة طبعا) عشان يبين شكله إنه صندوق لتقديم الشوكولاتة..
وكمان راح أعلمكم كيف تعملوا الشوكولاتة الحقيقية إللي تنوكل وتنحط بداخل العلبة..وصدقوني جربتها طعمها فوووووق الخياااال...
يعني هذا الموضوع المفروض يكون عمل مشترك بين قسم الأعمال الفنية وقسم الحلويااات:10_8_10:
يالله نبدى حبيبات قلبي..
خلونا نبدى بالعلبة الخارجة إللي عليها حبات الشوكولاتة الزينة
تجيبي أي علبة عندك وأهم شي يكون لها غطاء وتنفتح وتنغلق عشان يبين شكل الشوكولاتة أكثر..
الأدوات إللي نحتاجها..
3 ألوان أكريلك
(بني غامق ) للشكولاتة الغامقة
(بني فاتح) للشوكولاتة بالحليب
(بيج) للشكولاتة البيضاء
علبة للشوكولاتة مع غطائها
كرات من الفلين بحجم كرة التنس (تقريبا مقاسها مثل إللي تجي مع لعبة التنس حقت الأطفال ) وهذي صورتها عشان تعرفوا المقاس..
أعواد الشوي الخشبية
كوب فاضي(أي كوب مو شرط)
غراء مسدس
الطريقة
أولا نغرز الكرة في العود الخشبي كمافي الصورة
ثم نلفها بهاذا الشكل بحذر في صحن اللون المختار(إنتبهي لاتكثر الألوان في الكرة عشان لاتسيل معاكي)
ثم نضعها في الكوب حتى تجف تماما
بعد ذلك
(أحلى مرحلة)
وهي لاتزال في العود الخشبي نضيف عليها اللمسات المغرية وكل وحدة وشطارتها
ممكن تعملي عليها حركات باللون الأبيض كالكرمة أو اللون الزهري كصوص الفراولة..
وممكن تغليفها بورق ذهبي مكرمش عشان يصير شكلها مثل حلاوة (فيريرو روشيه) أكيد كلكم عافينها أكثر حلاوة تدووووخ في العالم..بس أنا من رأيي ماتغلفوها تغليف كامل مثل الصورة بل قشريها من جهة بشكل عشوائي (يعني كأن حبة الشوكولاتة مقشوعة القشرة قليلا)
وبعد كذه لما تخلصيها وحده ورى وحده رجعيها في الكوب حتى تجف تماما
بعد ذلك أخرجي منها العود وأبدئي إلصقيها على العلبة بالطريقة إللي تحبيها
وومكن تعملي الترتيب الهرمي لأنه يعطي فخامة في الشكل...
وممكن تعملي أفكار حلوة في العلبة مثل الفيونكات أو الخرز أو ممكن تعمليها على علية فخمة جدا من المخمل حيطلع شكلها جنااااان
هذي عملتاها بألوان الباستيل.. كنوع من التغيير
هاه إنشالله عجبتكم العلبة...
ألحين بكملكم طريقة الشوكولاتة الحقيقية عشان تجوعوا أكثر..
راجعتلكم بروح أجيب كاسة عصير فواكة وأرجع:09: ..مين يبغ معايا؟؟
ترى عندي كاسات كفاية..
ماشاء الله عليكي تسلم الايادي
فين الشيكولاتتتتتتتتتتتتتتتتتتتتتتتتتتتتته؟