والبنات وما أدراكم من البنات ما يحبون الريش تمسك بشعرهم لدرجة ان بنتي تفتكر ان هالاشياء لأستخدام مرة واحد فقط يا حبها للتفلت
وتحيرت شوي شلون ارتبهم في مكان ما تطاله ايدها الناعمة الصغيرة ويكون يلم المجموعة كلها تقريبا وفي متناول اليد ومتنقل معي بالبيت حسب ما تصنف تجلس لترتيب شعرها
بعدين جئت على بالي هالفكرة
تعالوا
هذه هي مجموعة من ريش بنتي اللي لو لم افككها من القراطيس تاخد مساحة كبيرة
وهذه هي موادنا اللي بتساعدنا في انجاز العمل
القاطعة
المقص
ورق
علبة بسكويت فاضية
ورق حائط ملون
جلادة لاصقة شفافة
لاصق glue gun
بالاول : نقطع الورق اللي راح نستخدمه كفاصل على حسب ارتفاع العلبة مع مراعاة ترك مساحة للغطاء حق ما يتعارض معاه
الاوراق اللي بنقطعها بتكون فواصل بالطول والعرض
ألحين الارواق اللي قطعناهم مارح يتعامدون في بعضهم الا لمن نقطع جزء منهم بحيث يسمح بمرور الورق والتقاطع ..
لاحظوا المسافة المتروكة
نركب القطع على بعضها بطريقة متعامدة وعلشان نتأكد من سلامة شغلنا نركب القطعة في العلبة ونتأكد من ثباتها على القاعدة
ألحين نبدا بإعطاء جدار الفاصل سماكة وعلشان نتأكد من صلابته نستخدم ورق الللاصق الملون المستخدم لتزين الحائط ومهم جدا مراعاة الارتفاع للطية المستخدمة
لاحظوا انكم لازم تمرون على مربع مربع علشان تلصقونه وتقوون دعامته
ألحين نقوم بلصق نفس اللاصق الملون للجدار الداخلي للعلبة علشان شكليا يصبح متناسق
يتبع
ونتابع شغلنا ونلصق الشريط الملوف بقاعدة العلبة
ألحين
العبلة والفواصل جهزوا
علشان نضمن وضعيتهم بالعلبة وخصوصا لمن بنت صغيرة تمد يدها داخل العلبة نقوم نثبت الفواصل بقاعدة العلبة بأستخدام اللاصق غلو غن واللي صورته مبينة عندكم
و هذ هو شكلها الداخلي
وهذه هي شكلها بعد ما صنفت ووزعت مساكات شعرها وفراشاتها وربطاتها وسلاسلها وبتلاحظون اصابع رجل بنتي ظاهر بالصورة والسبب فرحتها الكبيرة واهي ملازمتني ومو راضية تبتعد عني وأهي قاعدة وتقول لي (( حلاه مال نونو ))
وعلشان الحلو وفرحة بنتي تكمل
جيت للغطاء الخارجي واللي هذا هو شكلة
وغيرت الرسمة اللي عليه
طبعت صورة بنتي وعلى شعرها ريشة ولصقته بدل الصورة الاساسية وعلشان اضمن ثباتها من يد بنتي لصقة عليها جلادة شفاف لاصقة
وفي النهاية طلعت بهذه الفكرة بهذا الانتاج الذي رسم الفرحة على وجه صغيرتي واكيد بيقللمن جهدي واني ادور على الريش ومساكات شعر مناسبة باللون والتسريحة للصغيرة
بس قبل ما انهي الموضوع أذكركم ان البنات الصغار بحاجة لمثل هذه العلبة مع عودة المدارس
تحياتي