علبه سودا مكتوب عليها R&G

السلام عليكم حبيباتي

اقلكم ترى انا اكثر من مره انزل موضوع ولا احد يعبرني ......وترى هذي المره اذا مااحد عبرني تراها محطمه يعني خلااااااااص توبه انزل موضوع :icon33:

المهم خليني اخش في الموضوع على طول :
حبيباتي انا قبل يومين كانت عندي مناسبه ورحت لمشغل روتانا مشان يزبطولي المكياج ...
وكان مكياجهم مره حلو ........لكن انا لفت نظري حاجه ثانيه العاملات هناك مايستخدمون فرش ابدااااااااااااااا في دمج الألوان او وضعها .......تعرفو ايش يستخدمو الأصبعععععععععععع
ومكياجهم واااااااااااااااااضح وثقيل وانواع الدمج الرهيب حتى من تحت يدمجو بالأصبع ....
المهم مالكم في الطويله لأني للحين ما دخلت في الموضوع .........انا بصراحه استغربت قلت مستحيل لأنهم يحطون بالأصبع الألوان تكون بهذا الوضوح الفاقع فرحت قلبت في مكياجهم ابغى اعرف ايش يستخدمو وهم ماشاء الله مامانعو:icon28:......
فلقيت عندهم كارولاين وفور ايفر والألوان الفسفوريه .........هذي الي بعلب منفصله ام الواااااانهم الأساسيه الي تجي مجموعه ويستخدموها كثيررررر:39:
فكانت الوانها روعه وواضحه بصراحه جدااااااااااااااااااا كان مكتوب على علبتها R&G
ااااااااااااااااه بابنات ابغى اعرف من اي ماركه هذي ......سألتهم انتو من وين تشتروها قالو هذي مندوبه متعاقدين معاها تجيبها لنا اااا:44: يعني مافيه امل اعرف من وين او من اي ماركه
واكاد اجزم والله اعلم ان هذي الماركه سر وضوح الألوان القوي وتدرجاته في العين ........

نجي لسؤالي الحين : بنات مين شافت هذي العلبه الي يجيك فيها حوالي تسعة الوان لون العلبه اسود ومكتوب عليها من بره R&Gوبعدين كلمة ميك اب وحاجه ثانيه صغيره على طرف العلبه......والله حدعيلها ليل نهار الي تدلني على مكانها فين في جده القاها ؟؟؟؟؟؟؟؟؟؟؟؟؟؟؟

بنات ارجوكم لاتطنشوني هذي المره