علشان الفطير المشلتت ما ينشفش معاكي

علشان الفطير المشلتت ما ينشفش معاكي له كذا تكة
1- اذا كان فرنك كبير وبشواية حطيه في النص بعد ما تكوني سخنتي الفرن كويس على220و5دقايق وتولعي الشوايه علي نار متوسطة وتطفي الفرن من تحت وبعد مايخرج لفيه في شنطة بلاستيك بيطرى منك خالص
2-اذا كان فرنك صغير بشوايه او بدونها سخني الفرن علي حرارة220 وحطيه من النص وبعد مايخرج لفيه في شنطة بلاستيك
3-دايما بعد ماتفرديه الفرده الاخيرة في الصنيه حطيه في الثلاجة 10:15 دقيقة علشان يورق كويس معاكي
4-سبيه يرتاح بعد اول مرة تطويه فيها علشان تعرفي تفرديه في الصنيه ال هيتخبز فيها
5-واخيرا قبل ماتدخليه الفرن ادهني وشه بقشطة مضاف ليها ذرة ملح ده اذا كان مشلتت مش محشي
6-ولو عايزاه مسكر شويه رشي عليه خفيفا بعد ماخرج من الفرن وهو سخن شويه عسل نحل مخفف بماء