مسآكم / صبآحكم ورد .. وفل .. وياسمين
أزيكو ؟؟ وحشتوني أوي أوي << بدينآ بالفقش
المهم مآبي اطول عليكم
أنا ماكنت مسجله في منتداكم بس قبل فتره وانا افرفر في منتداكم شفت
موضوع سمفوانية الحب و نقآء الروح اللي كان
عن الاكزيما و قلت لـازم اسجل واساعدهم
ويـآآرب ماننحرم من الدعاوي لـأني محتآآآآآجه كثيــر كثــير كثيــر
قصتي مع الـأكزيمـآ ::
كنت راجعه من عيـد ونمت وصحيت إلـآ الـأكزيما مووولع في ايـدي ورجولي
لدرجة اني مقـدر احط ايدي على اي شي بس طول الوقت رافعتها حتى وانا نايمه
كنت انام بين سريرين عشان ارفع ايدي ورجولي على السريرين
وجلست سنتين على هالحاله وماخلينا مستشفى مارحناله مستشفيات كبيره ومعروفه
وكلهم يقولون سليمه ..
وطول هالسنتين استخدم مراهم وماخليت شي ماستخدمته ولا فاد
لدرجة ان اليأس سيطر علي وكنت اقول مستحيل اتعافى ..
وكـانو اهلي وخاصه امي دايم تقولي ادخلي اقري سورة البقره وش
بينقصك وكنت اتكاسل مرررره
وجـآآت الفاجعه الكبرى
طلعت لي دمامل فوق الاكزيما وصار منتفخ مررره زي البلونه وفيها
مويه صفرااء ومو راضيه تنفقع
وهذا الشي تعب نفسيتي مررررررررررررررره
وطول وقتي اجلس اصيح .. بشرتي انعدمت خلااااااص ومن وقتها اصريت اني
اقرا البقره واتعالج بالقرآن
وهذي الخطوات اللي سويتها ::
1/ أخذت مويه زمزم وزيت زيتون وعسل طبيعي وصرت اقرا البقره وبعد كل صفحه
انفث عليهم وبعد ما خلصت
البقره قريت المعوذتين والإخلاص واية الكرسي والفاتحه سبع مرات وانفث فيهم
وكل يوم قبل انام وإذآ صحيت اكل ملعقتين عسل من اللي قريت فيه مع كاس مويه زمزم
والزيت زيتون ادهن فيه مكان الاكزيما .. وبعد فتره قصيره الحمدلله راحت
الدمامل كله من البقره والعسل
2/ الاستحمام بالسدر :: ملعقتين سدر ونص كاس موية ورد مع لترين مويه
عاديه عاد انا زودت عليهم نص كاس
مويه زمزم من اللي قريت فيها وتسبحي فيها لازم ثلاث ايام ورى بعض
3/ ملح البحر الميت وهذآ علاج الاكزيما افتحي قوقل واكتبي املاح البحر الميت
للاكزيما وبتطلع لك الطريقه
4/ فيه دهن تبيعه حرمه بالرياض وبالتحديد بحي الشفاء اسمه
(( دهان مريم لجميع انواع الحساسيه )) تعرفوووون كلمة خطيييييييييييييييييييييييييييير
وتبان النتيجه بسرعه واقل شي تحطينه 3 مرات باليوم ..
مع ادعيه كنت اقراها قبل انام عطتنيها امي الله يجزاها الخير
ويسكنها جنات الفردوس الاعلى قولو امييين
مثل ::
- اللهم اجعلي من كل هم فرجا ومن كل ضيق مخرجا << تقوليها قد ماتقدرين
-اسأل الله العظيم رب العرش العظيم ان يشفيني ] لانها شفاء لامراض عديده وايسرها الهم
و ] وكثرت الاستغفار ..
والله يابنات بأسبوع واحد تبان النتيجه .. ماقول تتعافين خلاص بس يبان مررره
انا الحين استمريت عليها 3 اسابيع وقصت الدمامل قريبه والحين تعافينت 60 بالميه
قولو مــــــاشـــاء اللــــه تكـــفون من قلوبكم ..
المرء يمكن يضر الشخص بدون مايقصد والعين حق
واخيــرا ..
كل اللي ابيه دعواتكم لي اني اتعافى نهائي وان الله ييسر كل اموري
وانك تعافي امي وابوي اللي تعبوا معاي طول هالسنتين وتسهل كل امورهم
اهم شي تسهل كل امورهم لان فيه امور كثيره بروسهم هع هع
توني ادري ان قرقرتي كثيره وماتخلص و اصابعي تكسرت من الكتابه بس كله لعيونكم
واي سؤال انـا حاضره