السلام عليكم
بما ان المواضيع عن المتزوجين ومواقفهم حبيت اشاركم بموقف حليو الي يشوفه بيفطس من الضحك بس بحاول انقله لكم بطريقه حلوه ..........
تعرفون متزوجه وبتحتفل بذكرى زواجها وكنت افكر وش اسوي طبعا ظبطت الكيكه وقبل الاحتفال كنت عند اهلي وكان ماراح يجي ياخذني وكنت ابي اسويها له مفاجئه فقررت عند اهلي وش اسوي رحت انا واخوي وشريت الهديه وفي نفس اليوم تولمت وعطتني امي كبه وسبرنغ رول مفرزنته عشان اسويه وقلت لاخوي يوديني المغرب هومايكون في البيت واتولم وازبط نفسي وجا عشان يتوضا ويصلي العشا وانا متوزيه اخاف يكشفني ويخرب السالفه وقاعده على اعصابي والمهم راح يصلي العشا واناالي اطلع وازبط كلش ولما جا مصلي ودخل والاني ناسيه لمبة الصاله ويوم دخل وقال بسم الله انا مطفي اللمبه وش ولعها واطلع واسمي عليه احسبه مرتاع صدق ماخذه مقلب.. ويقول بسم الله الرحمن الرحيم متى جيتي ومن جابك واقول الله يقطع بليسك خربت السالفه كنت ابيك تدخل المقلط وتتفجأ بالحركه المهم بعدين دخلته المقلط وتفجا بالشموع والكيكه والعشوه الحلوه بس بعدين علمني انه داري اني جايه للبيت قبل مايدخل وهو جاي من المسجد يقول سبحان الله رفعت راسي بالصدفه وهو في الشارع وشاف لمبة المقلط والعه وهو مسكرها فعرف اني جايه بس سوا نفسه انه مرتاع وش هالمفاجئه ماقلت لكم مصدقه نفسي.. بس يالله ربي عاقبه جينا للموقف المضحك .. بعد هالسالفه كلها جينا وجلسنا على الكراسي شوي وانا الي اسمع قربع وادور الرجال وينه وين راح ولاه تحت الطاوله صار الكرسي الي هو جالس عليه خربان وانكسر فيه يوم شفته وافطس من الضحك وهو يضحك وما قدر يقوم واساعده ويالله قام وقال الله يقطع بليسك حاطه لي كرسي خربان قلت والله مادريت واجيب له كرسي ثاني وياالله يجلس عليه خايف ينكسربه بس الله ستر المهم وسعنا صدورنا مشاءالله تبارك الله وكلما تذكرنا الطيحه قعدنا نضحك بس الصراحه السعودين ماينفع لهم مفجئات ولاخرابيط يقعدون ينكتون عليك بس يالله علقه تفوت ولاحد يموت اتمنى تعجكم واستنى ردودكم
الكورة الصفراء @alkor_alsfraaa
عضوة فعالة
يلزم عليك تسجيل الدخول أولًا لكتابة تعليق.
ام ميشو3
•
مواقفكم حلوه تبقى ذكريات للابد وش رايك في وحده قريبتي بشهر العسل دقت علي تعلمني وااافشيلتي فشيلتاه طحت من السرير لاوالغرفه سراميك انا بقوم من الفشيله ولاجسمي اللي بغى يتكسر هو سلامات فيك شي وهويكركر
الصفحة الأخيرة