امي الله يحفظها ويخليها انسانه مهوووسه بنظافه دايم تقولي تعرف المره النظيفه من مطبخها وحمامها
تعلمت منها الاستقلاليه والنظام في كل شي

الترتيب المستمر للبيت بشكل عام - عدم الاتكال على الخادمة في كل شي ووضع جدول لها تمشي عليه في حالة وجودها -عدم دخولها لغرفة النوم الرئيسية-التخلص اولا بأول من الملابس والاغراض التي لا تستخدم وعدم تكديسها
وفي شوية اشياء تخص المطبخ مثلا تخصيص لوح تقطيع وسكين خاص باللحم والدجاج وواحد ثاني للخضار والفاكهة - تقشير الطماطم بالموية الحارة قبل استخدامه في الطبخات عشان ما يشوه القشر منظر الاكل واغلب الطبخات الشعبية وانواع المرق سويت لي دفتر قبل الزواج والمصدر الرئيسي طبعا الوالدة هي تملي وانا اكتب هههه

امي الله يخليها لي علمتني كل شي قبل مااتزوج وانا اتزوجت وانا عمري 18
الله يخليها ولا يحرمني منها اتذكرها في كل شي

يسلمو ع الموضوع روعه ؛؛؛امي علمتني شي مهم بحياتي غير الطبخ والتنظيف لان اكيد الفضل لها بعد الله
علمتني اسامح من ظلمني واجازي الاساءه بالاحسان اقول لها فلانه قالت كذا تقول اتركيها وسامحيها ولك اجر وهي بتندم وفعلا وربي هالشي خلا قدري كبير عند الناس والاهم انا مرتاحه نفسيا وضميري مرتاح

ايش بقول كل شي علمتني الله يخليها لي ويسعدها
علمتني الشمس لازم تدخل البيت
علمتني اني اكنس البيت بالاول بمكنسه الشعر وبعدين بالكهرب
علمتني لازم انقع الغسيل قبل لاغسله
علمتني مانام وفيه كاسه في المطبخ
علمتني اتحلى بالادب والصبر وعدم الرد على الكبير
علمتني اني اعاون الناس مو بس اكل واطلع لازم اساعدهم
علمتني اني افحس القدور بصباون لوكس
علمتني اشياء كثييييييييييييييييره لاتحصى