علمت امي اني قلت لكم وقالت قولي لهم هذا الكلام تعالو تكفون املي فيكم

سلام عليكم بنات امس امي متضايقه حيل تعرفون حالتها ومرضها قلت لكم امس عشان افرحها قلت يمه ترا كلمة بنات عن حالتك وراح يساعدوني الي هم انتم الله يخليكم لي وامي انبسطت حيل ولله وقالت اسمعي اكتبي لهم الي بقول لك اخ الله يجعلني فدا رجولها قاعده تتكلم من قلب كانها تتنظر احد يسالها تكفون تكفون ركزو
-

وامي اذ تشافت ولله ما راح تنسى احد من دعاءه ل تدعي لكم بكل سجده
-
امي تقول
معدتها توجعها وتضايقها خصوصا اول ما تصحى من النوم معدتها توجعها حيلل تقول المكان تحت الصدر بظبط يوجعها حيل تحس بضيفه وكتمه وحتى نوم ما تنام من وجع المعده وانا دايم اشوفها منسدحها ب سرير اقول يمه صدق ما تنامين تقول اي ولله ما انام من وجعها وتقول منسدحها كذا ما تحب تقوم ولا تشتغل بس تبي تنام وراسها يوجعها ماتحب الاكل تخيلو نجيب الاكل عندها ماتبي ناكل قدامهوهي منسدحها بسرير ماتداني الاكل وتقول معها بروده بكل الجسم تكرهه المكيف كرهه مو طبيعي لدرجة غرفتها بعيده عن غرفتي وانافتحت باب غرفتي ب الغلط تصوت لي تقول طفي المكيف وصل عندي ، وسمعتها امس تكلم خالتي امي تقول لها اكرهه الماء ماحب الماءوماتحب الحمام وتحس بخوف وقلق وتقول اذ جتني وجع المعده اكرهه البيت واكرهه كل شي تقول ولله ودي اهرب من البيت وامي تقول لكم هاذي الحاله تروح وتجي يعني شهرين تجيها وشهر امي طيبه ومافيها الا العافيه وكذا ،، و وهاذي الحالها تروح وترجع وعلى هاذي الحاله ،،، والحاله مع امي من ٨ سنين واكثر يعني من كان عمري امي بثلاثين وامي عمرها ماتعد ال ٤٥ وامي معها مرض القولون العصبي وتاكل علاجه وقبل تقول معها الجرثومه بس تشافت منها ورحت فحصت عند دكتور وقال خلاص تشافيتي منها اخذناه عند شيوخ اغلبهم قالو معها عين قديمه واخر شيخ رحنا له برا المدينه حقتنا يعني مسكنا خط سفر عشانه قال امي معها مس تحتي وترا امي اميه يعني لاتقراء ولا تكتب وتصلي بس صلاتها غلط وماعندي الجراءه اقول لها يمه صلاتك غلط اخاف اجرحها امي حساسه حيل ودايم تقول لي صلي وبغرفتها ابوي دايم مشغل له القران وتسمعه عادي ،، مشغلين لها قناه السعوديه حقت القران وعندها سبحه وورقه وقلم ابوي مسوي لها جدول مثل تقول الله اكبر ١٠٠ مره تكتب صح وكذا ( وامي قبل فتره تقول خايفه اتركم واروح من راح يوكلكم ويغسل ملابسكم تخاف تموت اخخ قطعت قلبي ذيك الليله ومره قالت لي خايفه ابوي يتزوج عليها تقول طفشته بحياته بنات تكفون ولله مقدر اتحمل تقطع قلبي عليها تكفون
-
هاذي حاله امي ب تفصيل وما نسيت ولا شي تكفون هذا وش الي معها وش علاجها امس كثير يقولو جرثومه وناس يقولو عين وناس يقولو وديها دكتوره نفسيه ها بنات وش واذ ماتعرفين اسالي امك او جدتك او احد تعرفينه يمكن يعرف ولله ابكي الف مره باليوم لاني اشوف امي تتالم قدامي و مقدر اسوي شي ل امي ولله اصعب شي ولله يروحي ي امي😞💔