علمونا عن مراسم خطبتكم يا اهل الرياض

مصرقعة هانم :

فيه اختلاف ( انا من ديره من الديار اللي قلتي وساكنه الرياض ومولوده فيها فيه ناس اصلهم من هالديار اللي قلتي بس تغيرت طريقتهم وصارت اكثر حضاريه عننا الخطبه تجي الام او الاخت وتشوف البنت ثم ترد علينا على الاقل اسبوع انتظار ثم يجي الولد ويشوفه الاب ويجلس معه ويشووف وش عنده من علووم واخبار ( يعني يقيس عقله وتفكيره وطبعا الماديه وكيف بيعيش البنت ) والماديه تختلف يعني فيه اللي يتشرط وفيه اللي يبغى يشتري الرجال ويطلع الشاب بعد ما يحط ارقامه عند الاب وعاد يشتغل الاب سؤال عنه في شغله وحيه والاماكن المعرووفه واذا عجبه الشاب يتصل عليه ويطلب منه يجي اذا كان وده يشووف البنت ويحددون يوم ( عن طريقتنا تدخل البنت وهي متحجبه ولابسه اكمام طويله وما تحط مكياج ولا شي ) ويشوفها عاد يطلع الشاب ويستخير والبنت تستخير واذا ربي جمع بينهم يتصل ويحدد متى امكانية الزواج والملكه وطبعا كل وعوايده فيه اللي يحبون الملكه وقتها طويله وتكلم الشاب وفيه اللي يملكون قبل الزواج بكم يووم عاد المهر فيه ناس ما تشرط يعني يقول اللي تقدر عليه هاته وتبدا البنت تجهز ( وصار فيه الان طريقه ان في يوم الملكه يكون كنه عرس كامل يعني يدخل الشاب ويلبس زوجته ويعزمون اهلها واهل البنت المقربين والصديقات ويسوون حفله بسيطه ويتم تلبس الشبكه عاد تبدا البنت تجهز نفسها ويحددون يوم الزواج واذا كان كبير يحجزون كل اللي يبغون والهدايا : الزوج يقدم الهديه حقت الصباحه اما صباح زواجهم او اذا جوو من السفر اما اهل الزوج فيه ناس يرسلونها وقت الملكه بصندوق مزين بالحركات وفيه عوايل تنتظر رجعتهم من السفر ويقدمون الهدايا , طبعا يكون للام حقت البنت هديه ويسمونها ( فتاشه ) علشان فتشت الام لزوج بنتها وهي اصلها تقديرا منه لها والبنات اللحين بعد يشتروون هديه لام الزوج ايضا تقديرا لها هذا اللي اتذكره وان شاء الله البنات يساعدونك

فيه اختلاف ( انا من ديره من الديار اللي قلتي وساكنه الرياض ومولوده فيها فيه ناس...