فعلا الرجال اذا عارف فلوسه قليله تخرب نفسيته وتسود الحياه بوجهه .. انصحك تقعدين معاه وتسوين لكم مخطط مالي ترسمون خطه بحيث تكونين عارفه وضعه ويحس انك مقدرته لمن تتشاركين معاه وتصبرين عليه..الخطه هذي راح تريحكم من المناقره وتخفف عليكم المشاكل المتعلقه بالفلوس..خلي خطتك صارمه وامشي عليها بالريال الواحد وخصصي جزء للصدقه لو طبخة توزعونها على العمال مو شرط شيء مادي.. ولو يلاقي له شغله جانبيه توصيل مشاوير او مكتب عقار او اي شغله تساعده على الاقل بالمصروف اليومي ..

اذا ماعندكم فلوس تكفى اغراضكم من الاساس ليش تروحون السوبر ماركت مع البنات ؟؟
اغراضكم الى على قدركم خليه هو يجيبها بدون انت ماتروحى انت وبناتك ,اما بناتك يروحون
ونفسهم باشياء لكن مايقدرو ياخذوها هذا تعذيب اذا احنا الكبار نفسنا نقش كل الى بالبسوبر ماركت
كيف عاد الاطفال . اطلعو مكان تمشو وخليه يشترى للبنات شيبسات وعصيرات اشياء خفيفه بريالات
الله يوسع عليكم

مشكورين يابنات ماقصرتوا والله ريحتوني كثير

الله يفرج همك ويرزقكم الرزق الوفير


شكله تعبان من قلة الماده ...الرجال كذا الفلوس تاثر عليهم واذا مديون فالدين ثقيل وهم


اذا المقاضي الضروريه بس خليه روحه يجيبهم

وكلميه ان يحط يوم معين للبنات يعطيهم لو الوحده 10 ريال يشتروا بروحهم منها يعرفون قيمة المبلغ ومنها يحسوا نفسهم انهم تسوقوا تراه الطفل ما يهمه المبلغ كثر ما يهمه انه خرج واخذ اللي يبغيه ...وبعدها حديقه عامه يلعبوا وان شاء الله ينبسطوا



وانت معاهم بالبيت شاركيهم هوايات ...عندك قسم الفن والاشغال اليدويه فيه اشياء كثير وسهله منها تقضي وقت معاهم ومنها تنمي مهاراتهم حاولي تملئي وقتهم باشياء ممتعه عشان لا يحتكوا سلبا مع ابوهم ....بعض الاباء باعتقادهم ان البنات لازم يكونوا على الصامت ووين ما يوجهوهم فما يريد الا حاضر وتمام .

هو يتمنى يجيب المقاضي لحاله بس انا احب اروح واطلع بحكم ماعندي طلعات 

لكن هالمره قررت اني ماراح اروح معه وهو انبسط طبعاً لانه هذا اللي يبيه