علموني المطازيز كيف يسونها ؟؟؟؟

مطازيز ... ومربعة الشكل هههههههه
احس بيصير شكلها مضحك .. لان المطازيز شكلها دائري في العادة

ترى مرقة المطازيز مثل مرقة المرقوق كانتس تعرفينه بس بدل قرص المرقوق الكبير حطي الاقراص الصغيرة اللي هي المطازيز

مرحبا ...

مشكووووورة حبيتي تحفة على ردك ... و الي ما يعرف المرقوق ؟؟؟؟

للأسف ما أعرف المرقوق ...

و شكلها مربعات 2سم في 2 سم .. من قودي .. توه جديد نيو ....

اعرف الي يسمونها الصالونة الي فيها جميع الخضار و اللحم بصلصة حمراء ... و ناكلها في شهر رمضان اكثر شي ...مع الثريد ...

يسلمممممممموا ..

شكلك مو من نجد ولا من الشمال .. ياجنوبيه ياغربية :17:

المرقوق هو انك تسوين ايدام عادي فيه كل الخضار اللي تحبينهم وبعدها تاخذين عجينه عادية بعد وتفردينها وتقطعينها قطع كبيرة وتحطينها فوق الايدام وهو بعده يطبخ وتقطعين العجينه بالسكين وهي بداخل القدر مع الايدام ..
والمطازيز تاخذين العجينه نفسها وتقسمينها على شكل ( كور ) صغيرة وتحطينها على الايدام لحد ماتنضج وبس .

هذا اللي اعرفه :26:

هلا جوهرة الالماس
عرفت اللي تقولين عنه انا اشتريته من السوبرماركت
بصراحه مره مريحه بدل حوست العجينه (ترى انا كسلانه ) المهم عيوني
انا بقولك كيف سويتها وطلعت مره لذيذه :
تسوين مرقه لحم ( تكشنين بصل لين يتحمر وبعدين تحطين الصلصه والبهارات وتقلبينهم
وبعدين تحطين كمية مويه مناسبه وتخلين اللحمه تطبخ لين تستوي )
بعدين تجيبين كيس خضار مشكله ( مجمده ) + بطاطس مقطعه مربعات + كوسه مقطعه مربعات
تحطينهم فوق المرقه لين تستوي الخضار نص استواء وبعدين تحطين فوقهم المطازيز لين تستوي
يبغالها تقريبا رع ساعه لين تنشف المرقه عنها ....
ملاحظة :
اللحمة اقطعها مربعات صغيره عشان تنأكل بالملعقه
وبالهناء و العافيه واي سؤال انا حاظرة

مرحبا اخواتي الصراحة انا من نجد واستغربت طريقتكم في المرقوق والمطازيز
نسائم الإيمان :اللي اعرفه عندنا انك لما تقطعي العجينة دوائر صغيرة تفرديها اما بيدك او بالمفردة أو بالأله الخاصة الكهربائيةوعمري ماسمعت انها تنحط كور
والمرقوق الكثير عندنا متعودين يفردوه على اليد حتي يمتد على الذراع ويكون رفيع جدا ثم يوضع في القدر على الخضار ويغطى القدر حتى فرد قطعة ثانية من العجين ثم يبعد الغطاء ويرفع القرص السابق على احد الجوانب ثم يوضع القرص الجديد وتكرر العملية حتى ينتهي المقدار السبب في ازاحة القرص الى احد الجوانب في كل مره هو لكي لايتجمع العجين فوق بعضه (وممكن استعمال المفردة لمن لاتتقن الفردويفرد دوائر بحجم فتحة القدر المستخدم للطهي)ويحتاج المرقوق والمطازيز الى حوالي الساعة لينضج
والطريقةالسائدة لدينا تقريبا في كل منهما اقدمهاللأخت جوهرة الالماس:
يقطع البصل ويكشن وتضاف اللحمة وتقلب ثم الماء والملح والبهارات والماجي اذارغبتي ويترك لينضج نصف استواء ثم توضع الصلصة (معجون الطماطم )وكذلك الخضار (قرع كوسة وبالفقع روعةأوالخضار التي ترغبيها وتكون مقطعة الى قطع متوسطة أوكبيرة كبيرة ثم تضعين المطازيز واحد واحد في جميع الاتجاهات وخاصة التي تغلي حتى تنتهي ثم اضيفي الفلفل الأسود أو الأخضر الحار والليمون الأسود اذا رغبتي واتركيه على النار حتى ينضج ثم يسكب في صحن ولكن بدون تقليب... والمرقوق نفس الطريقة للمرق لكن الخضار تكون صغير وبطريقة الفرد التي ذكرتها في الأعلى للاخت نسائم وبعد النضج يقلب المرقوق في القدر ليتقطع الى قطع صغيرة تختلط بالخضار ويغرف في الصحن ويقدم.